سانكسيا سالىنعان تاۋارلار قازاقستان ارقىلى رەسەيگە جەتكىزىلمەس ءۇشىن نە ىستەلىپ جاتىر
بەلگىلى بولعانداي، ناۋرىز ايىنان باستاپ جەكەلەگەن ەلدەر رەسەي فەدەراتسياسىنا سانكسيا سالىپ، ونىڭ ىشىندە رەسەيگە تاۋارلاردىڭ بەلگىلى ءبىر تۇرلەرىن جەتكىزۋگە تىيىم سالعان. مۇنداي تاۋارلاردىڭ باسقا ەلدەر ارقىلى جەتكىزىلگەنى انىقتالعان كەزدە (سانكسيانى اينالىپ ءوتۋ) مۇنداي ەلدەرگە قاتىستى قايتالاما سانكسيا قولدانىلۋى مۇمكىن.
ءبىزدىڭ نەگىزگى ساۋدا سەرىكتەستەرىمىزدىڭ ءبىرى رەتىندە رەسەي فەدەراتسياسىمەن تىعىز ساۋدا-ەكونوميكالىق قاتىناستاردى ەسكەرە وتىرىپ، تۋىنداعان تاۋەكەلدەردى ەسكەرمەۋگە بولمايدى.
قازاقستاندىق ەكونوميكا ءۇشىن زالالعا جەدەل دەن قويۋ جانە جول بەرمەۋ ءۇشىن ق ر ق م مەملەكەتتىك كىرىستەر كوميتەتى سانكتسيالىق تىزىمدەرگە كىرەتىن تاۋارلاردىڭ يمپورتى مەن ەكسپورتىنا تۇراقتى مونيتورينگ جۇرگىزەدى. اتالعان تاۋارلاردى قازاقستان رەسپۋبليكاسىنان رەسەي فەدەراتسياسىنا اكەتۋ كەزىندە مەملەكەتتىك كىرىستەر ورگاندارىنىڭ ەلەكتروندىق شوت-فاكتۋرانى كۋالاندىرۋ تەتىگى ىسكە قوسىلعان، بۇل تاۋاردىڭ شىعارىلعان ەلىن ايقىنداۋعا مۇمكىندىك بەرەدى.
باقىلاۋدىڭ بۇل تەتىگى كەدەندىك باجداردىڭ ستاۆكالارى ە ا ە و ءبىرىڭعاي كەدەن تاريفىندە بەلگىلەنگەننەن تومەن نەمەسە «الىپ قويۋ تاۋارلارى» دەپ اتالاتىن قازاقستان رەسپۋبليكاسىنىڭ اۋماعىنان تاۋارلاردى اكەتۋگە جول بەرمەۋ ماقساتىندا ەۋرازيالىق ەكونوميكالىق وداقتىڭ كەدەندىك اۋماعىنا تاۋارلاردى اكەلۋ مەن ولاردىڭ اينالىمىنىڭ كەيبىر ماسەلەلەرى تۋرالى حاتتاما (بۋراباي حاتتاماسى) شەڭبەرىندە دە قولدانىلادى. ماسەلەن، قاڭتار-مامىر ايلارىندا رەسەي فەدەراتسياسىمەن تاۋار اينالىمى وتكەن جىلدىڭ سايكەس كەزەڭىمەن سالىستىرعاندا ايتارلىقتاي اۋىتقۋ كورسەتكەن جوق.
بۇل رەتتە تابيعي ۋران، بولاتتان جاسالعان تۇتاس تاپتامالى دوڭگەلەكتەر جانە ديزەل وتىنى سياقتى جەكەلەگەن تاۋار پوزيتسيالارى بويىنشا، ياعني ەكسپورت ءۇشىن ءداستۇرلى بولىپ تابىلاتىن قازاقستاندىق ءوندىرىستىڭ تاۋارلارى بويىنشا، ونىڭ ىشىندە رەسەي فەدەراتسياسىنا ەكسپورتتىڭ ءوسۋى بايقالادى.
وسىلايشا، تاۋارلاردىڭ جەكەلەگەن توپتارىنىڭ رەسەي فەدەراتسياسىنا ەكسپورتىنىڭ وسۋىنە قاراماستان، سانكتسيالىق تىزىمگە كىرەتىن تاۋارلاردى قازاقستان ارقىلى كەرى ەكسپورتتاۋ فاكتىلەرى بايقالمايدى.