ۇلتتىق بانك تولەم كارتوچكالارىنىڭ جاڭا جۇيەسىن ىسكە قوستى
ۇلتتىق بانك تولەم كارتوچكالارىنىڭ بانكارالىق جۇيەسىن ونەركاسىپتىك پايدالانۋعا قوسقانىن حابارلايدى.
بۇل جۇيە قازاقستان اۋماعىندا تولەم كارتوچكالارى ارقىلى جاسالاتىن بانكارالىق ترانزاكتسيالاردى وڭدەۋگە ارنالعان.
«بۇل تولەم كارتوچكالارى نارىعىنىڭ قاۋىپسىزدىگىن جانە ۇزدىكسىز جۇمىس ىستەۋىن، قازاقستاندىق بانكتەر ءۇشىن ىشكى ەسەپ ايىرىسۋلاردىڭ كەپىلدىگىن قامتاماسىز ەتەدى. جۇيەنى ازىرلەۋ Visa, Mastercard جانە UnionPay حالىقارالىق تولەم جۇيەلەرىمەن جانە تولەم كارتوچكالارىنىڭ نارىعىنا قاتىسۋشى بانكتەرمەن ءوزارا تىعىز بايلانىستا جۇزەگە اسىرىلدى. كارتوچكالاردىڭ بانكارارالىق جۇيەسىن قۇرۋ اياسىندا جەرگىلىكتى كارتوچكالىق ينفراقۇرىلىم جاسالىپ، ءتيىستى نورماتيۆتىك قۇقىقتىق بازا قالىپتاستىرىلدى. سونىمەن بىرگە قازاقستاندىق بانكتەر ەميسسيالاعان تولەم كارتوچكالارى بويىنشا جەرگىلىكتى وپەراتسيالاردى وڭدەۋدى ۇيىمداستىرۋ بويىنشا حالىقارالىق تولەم جۇيەلەرىمەن كەلىسىمدەر جاسالدى»، - دەلىنگەن بانكتىڭ حابارلاماسىندا.
قازىرگى ۋاقىتتا بانكارالىق جۇيەگە تولەم كارتوچكالارىمەن قىزمەت كورسەتەتىن بانكتەر قوسىلعان. بانكتەردىڭ جەرگىلىكتى كارتوچكالىق ترانزاكتسيالارىنىڭ ترافيگىن اۋدارۋ، ونىڭ ىشىندە بانك جۇيەلەرىن بەيىمدەۋ جانە حالىقارالىق تولەم جۇيەلەرىمەن ءوزارا ءىس-قيمىل پروتسەستەرىن قايتا باپتاۋ بويىنشا قاجەتتى جۇمىستار جۇرگىزىلدى.