اباي وبلىسىندا قىزىل كىتاپقا ەنگەن ارقاردى اتقان براكونەر ۇستالدى
30 ماۋسىم 15:54

اباي وبلىسىندا قىزىل كىتاپقا ەنگەن ارقاردى اتقان براكونەر ۇستالدى

سەمەي. قازاقپارات - اباي وبلىسى اياگوز اۋدانىندا قىزىل كىتاپقا ەنگەن ارقاردى اتقان براكونەر ۇستالدى، دەپ حابارلايدى قازاقپارات ءتىلشىسى.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، تابيعات قورعاۋ پوليتسياسى ءبولىمى قۇزىرلى مەملەكەتتىك ورگاندارمەن بىرلەسىپ براكونەرلىكتىڭ جولىن كەسۋ ماقساتىندا رەيد وتكىزۋدە.

جىل باسىنان بەرى زاڭسىز اڭ اۋلاۋدىڭ 11 فاكتىسى انىقتالعان.

«پوليتسيا قىزمەتكەرلەرى «وحوتزوپروم» مەكەمەسىنىڭ ينسپەكتورلارىمەن بىرلەسىپ اياگوز اۋدانى تارباعاتاي اۋىلدىق وكرۋگىنىڭ اۋماعىندا قىزىل كىتاپقا ەنگەن ارقار مەن كۇزەندەردى اۋلاعان اققوجا اۋىلىنىڭ 38 جاستاعى تۇرعىنىن ۇستادى. ول اقشوقى اۋىلىنىڭ شەتىندە تىركەلمەگەن تەگىس ۇڭعىلى 28 كاليبرلى اتىس قارۋىمەن اڭ اتقان. سونىڭ سالدارىنان قورشاعان ورتاعا كەلتىرىلگەن ماتەريالدىق زالال 13 ميلليون تەڭگەدەن استى»، - دەلىنگەن اقپاراتتا.

اتالعان فاكتى بويىنشا ق ر ق ك- ءنىڭ 337-بابى 4-بولىگىمەن سوتقا دەيىنگى تەرگەۋ امالدارى جۇرگىزىلۋدە.

براكونەر 7 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.

جاڭالىقتار