ەڭبەك مينيسترلىگى بازالىق زەينەتاقى مولشەرىن كوبەيتۋدى ۇسىندى
30 ماۋسىم 14:26

ەڭبەك مينيسترلىگى بازالىق زەينەتاقى مولشەرىن كوبەيتۋدى ۇسىندى

نۇر- سۇلتان. قازاقپارات – ق ر ەڭبەك جانە حالىقتى الەۋمەتتىك قورعاۋ مينيسترلىگى بازالىق جانە ىنتىماقتى زەينەتاقىنى كوبەيتۋدى ۇسىنىپ وتىر. بۇل تۋرالى مينيستر تامارا دۇيسەنوۆا ايتتى، دەپ حابارلايدى قازاقپارات ءتىلشىسى.

«قازىر تاعايىندالاتىن جيىنتىق زەينەتاقى مولشەرى الدىڭعى جىلدارمەن سالىستىرعاندا ازايىپ كەلەدى، ويتكەنى ەڭبەك ءوتىلى از. وسىعان بايلانىستى ءبىز قازىر ءوز ەسەپتەۋلەرىمىزبەن بىرگە بازالىق زەينەتاقىنى كوبەيتۋ ءۇشىن ونىڭ پارامەترلەرىن وزگەرتۋ بويىنشا ۇسىنىس ەنگىزدىك»، - دەدى ەڭبەك ءمينيسترى ماجىلىستە تىلشىلەرگە بەرگەن سۇحباتىندا.

سونىمەن بىرگە، تامارا دۇيسەنوۆانىڭ ايتۋىنشا، ىنتىماقتى زەينەتاقىنى دا ارتتىرۋ ءۇشىن پارامەترلەرىن وزگەرتۋ ۇسىنىلىپ وتىر.

«قولدانىستاعى زاڭناما اياسىندا زەينەتكە ەرتە شىعۋ مۇمكىندىگى بار. قازىر زەينەتاقى اننۋيتەتى ماسەلەلەرىن قاراستىرىپ جاتىرمىز»، - دەدى مينيستر.

ەسكە سالا كەتسەك، 2022 -جىلعى 1- ساۋىردەن باستاپ قازاقستاندا مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى - 20191 تەڭگە. زەينەتاقىنىڭ ەڭ تومەنگى مولشەرى - 48032 تەڭگە. بۇعان دەيىن تامارا دۇيسەنوۆا زەينەت جاسىن تومەندەتۋ ماسەلەسى جۇمىس توبىندا تالقىلانىپ جاتقانىن ايتتى.

اۆتور: ايجان سەرىكجان قىزى


جاڭالىقتار