ءو ك م وپەراتورى ج ش س- نىڭ بۇرىنعى قۇرىلتايشىسىنا ىزدەۋ جاريالاندى
30 ماۋسىم 13:55

ءو ك م وپەراتورى ج ش س- نىڭ بۇرىنعى قۇرىلتايشىسىنا ىزدەۋ جاريالاندى

نۇر- سۇلتان. قازاقپارات - سىبايلاس جەمقورلىققا قارسى ءىس- قيمىل اگەنتتىگى «ءو ك م وپەراتورى» ج ش س باسشىلىعىنا جانە باسقا دا تۇلعالارعا قاتىستى اسا ءىرى مولشەردە اقشا قاراجاتىن جىمقىرۋ بەلگىلەرى بويىنشا سوتقا دەيىنگى تەرگەپ- تەكسەرۋدى جالعاستىرۋدا.

اگەنتتتىك تاراتقان اقپاراتقا قاراعاندا، قىلمىستىق ءىس اياسىندا «ءو ك م وپەراتورى» ج ش س بۇرىنعى قۇرىلتايشىسى مۇحتاروۆا شىنار ورالعازى قىزىنا 2017-2018 -جىلدار ارالىعىندا ەكولوگيالىق كودەكستىڭ تالاپتارىن بۇزا وتىرىپ، وعان 920 ميلليون تەڭگە يەلەندى دەگەن كۇدىكپەن ىزدەۋ جاريالاندى. اتالمىش قارجى ديۆيدەند تۇرىندە زاڭسىز تولەنگەن كادەگە جاراتۋ الىمى ەكەنى انىقتالدى.

شىنار مۇحتاروۆاعا ىزدەۋ جاريالاندى جانە وعان قاتىستى سوت «قاماۋدا ۇستاۋ» تۇرىندەگى بۇلتارتپاۋ شاراسىن سانكسيالادى. ەگەر سىزدە ونىڭ ورنالاسقان جەرى تۋرالى اقپارات بولسا، اگەنتتىكتىڭ كورسەتىلگەن تەلەفوندارىنا حابارلاۋىڭىزدى سۇرايمىز: call-سەنتر 1424

909260 (7172)7

«ىزدەستىرىلىپ جاتقان ادامنىڭ ورنالاسقان جەرى تۋرالى اقپارات بەرگەنى ءۇشىن 4000 ايلىق ەسەپتىك كورسەتكىشكە (ا ە ك) دەيىن سىياقى كوزدەلگەن»، - دەلىنگەن حابارلامادا.

جاڭالىقتار