جالال- اباد قىرعىزستاننىڭ ەكىنشى ەكونوميكالىق ورتالىعىنا اينالماق
30 ماۋسىم 14:03

جالال- اباد قىرعىزستاننىڭ ەكىنشى ەكونوميكالىق ورتالىعىنا اينالماق

بىشكەك. قازاقپارات - جالال- اباد قىرعىز رەسپۋبليكاسىنىڭ استاناسىنان كەيىنگى ەكىنشى ەكونوميكالىق تىرەك نۇكتەسى بولادى. بۇل تۋرالى قىرعىز رەسپۋبليكاسى مينيسترلەر كابينەتىنىڭ ءتوراعاسى اقىلبەك جاپاروۆ جوگوركۋ كەنەش وتىرىسىندا ايتتى، دەپ حابارلايدى قازاقپارات.

«ەگەر ەۋروپاعا تەرەزە جابىلسا، ءبىز ازياعا قاقپانى اشۋعا دايىنبىز. قىرعىزستان - ەۋروپا، قىتاي جانە يسلام وركەنيەتى توعىسقان جەردە ورنالاسقان مەملەكەت. ءبىز باتىس وركەنيەتىنىڭ كۇشتى تارتىمدىلىعىن ۇمىتپاۋىمىز كەرەك، ول ءبىزدى ۇزاق ۋاقىت بويى مولشىلىق، زاڭ جانە تارتىپكە ۇندەپ وتىر. ءبىز ءوز ساياساتىمىزدى ۇلتتىق مۇددەگە نەگىزدەيتىن بولامىز»، - دەدى مينيسترلەر كابينەتىنىڭ باسشىسى.

ا. جاپاروۆتىڭ ايتۋىنشا، ەلدىڭ سولتۇستىگى ۇزاق ۋاقىت بويى دامىپ كەلەدى، قىرعىزستاننىڭ بارلىق ساۋدا جولدارى رەسەيگە قازاقستان ارقىلى وتەدى. ەلەكتر ەنەرگياسىن ءوندىرۋدىڭ ۇشتەن ەكىسى جالال- اباد وبلىسىندا جۇزەگە اسۋىنا بايلانىستى جالال- ابادتا ەكىنشى ەكونوميكالىق ورتالىق سالۋ شەشىمى قابىلداندى.

جاڭالىقتار