12:27, 30 - ماۋسىم 2022 | GMT +6
كوروناۆيرۋس جۇقتىرعاندار كوبەيسە، ماسكا رەجيمىنە قايتا ورالامىز - ەرالى توعجانوۆ
نۇر- سۇلتان. قازاقپارات – ق ر پرەمەر- ءمينيسترىنىڭ ورىنباسارى ەرالى توعجانوۆ ەلدەگى كوروناۆيرۋس ينفەكسياسى احۋالى تۋرالى باياندادى، دەپ حابارلايدى قازاقپارات ءتىلشىسى.
«ازىرگە ەڭ ماڭىزدى ماسەلە ۆاكسينالاۋ بولىپ وتىر، ايتارلىقتاي كۇردەلى جاعداي جوق. دەگەنمەن، ناۋقاستار سانى كوبەيسە، ماسكا تاعۋ رەجيمىنە قايتا ورالۋىمىز مۇمكىن. قازىر تاۋلىگىنە 100 ادامعا دەيىن ناۋقاستار سانى ارتىپ كەلەدى، سوندىقتان ماسەلە جوق ەمەس، بار. كارانتين تالاپتارىن كۇشەيتۋ ماسەلەسىن ۆەدومستۆوارالىق كوميسسيانىڭ وتىرىسىندا كوتەرەمىز. تەك قانا ماسكا تاعۋ جونىندە ەمەس، جالپى شارالار تۋرالى»، - دەپ جاۋاپ بەردى ە. توعجانوۆ ءماجىلىس كۋلۋارىندا تىلشىلەرگە بەرگەن جاۋابىندا.
ەسكە سالا كەتسەك، قازاقستاندا وتكەن تاۋلىكتە 137 ادام كوروناۆيرۋس جۇقتىردى. بىرنەشە كۇن بويى ەلىمىزدە كورونوۆيرۋس جۇقتىرۋ دەرەكتەرى ارتىپ كەلەدى.