ب ۇ ۇ بىتىمگەرشىلىك ميسسياسىنا قاتىساتىن اسكەريلەرگە قانداي باسىمدىق بەرىلەدى
«زاڭعا سايكەس، ب ۇ ۇ بىتىمگەرشىلىك ميسسيالارىنا قاتىسۋ كەزەڭىندە ءۇش ەسە جالاقى، قايتىپ كەلگەن سوڭ مەملەكەت ەسەبىنەن ەمدەلۋ، جىل سايىنعى دەمالىسقا ەكى اپتا قوسىمشا دەمالىس بەرىلەدى. قاتىسۋ كەزەڭى جەڭىلدىكتى شارتتارمەن ءبىر ايى ءبىر جارىم اي بولىپ ەسەپتەلەدى»، - دەپ جاۋاپ بەردى قورعانىس ءمينيسترى پارلامەنت پالاتالارىنىڭ بىرلەسكەن وتىرىسىندا دەپۋتات ساۋالىنا.
ونىڭ ايتۋىنشا، 2000 -جىلدارعا دەيىن بىتىمگەرشىلىككە قورعانىس مينيسترلىگى، شەكارا قىزمەتتەرى جانە ىشكى اسكەر بولىمشەلەرى تارتىلدى. «قازىر قورعانىس مينيسترلىگى - بۇل سالادا نەگىزگى مەملەكەتتىك ورگان. دەگەنمەن، زاڭعا سايكەس، بۇل ماسەلە بارلىق مەملەكەتتىك ورگان ءۇشىن قولجەتىمدى»، - دەدى ر. جاقسىلىقوۆ.
مەملەكەت باسشىسى قاسىم- جومارت توقايەۆ پارلامەنتكە ق ر قارۋلى كۇشتەرىنىڭ بىتىمگەرشىلىك كونتينگەنتىن ب ۇ ۇ ميسسيالارىنا جىبەرۋ تۋرالى ۇسىنىس ەنگىزدى. بىرلەسكەن پالاتا وتىرىسىندا دەپۋتاتتار پرەزيدەنت ۇسىنىسىن قابىلدادى. جالپى سانى 430 اسكەري قىزمەتشى ورتالىق افريكاداعى تۇراقتاندىرۋ جونىندەگى ميسسياعا، كونگو دەموكراتيالىق رەسپۋبليكاسىنداعى تۇراقتاندىرۋ جونىندەگى ميسسياعا، ماليدەگى تۇراقتاندىرۋ جونىندەگى ميسسياعا جانە ليۆانداعى ۋاقىتشا كۇشتەر ميسسياسىنا جىبەرىلەتىن بولدى.