اۋەجايدا توقتاتىلعان رەسەيلىك كومپانيانىڭ ۇشاعى ەلوردادان ۇشىپ كەتتى
29 ماۋسىم 22:13

اۋەجايدا توقتاتىلعان رەسەيلىك كومپانيانىڭ ۇشاعى ەلوردادان ۇشىپ كەتتى

نۇر-سۇلتان. قازاقپارات - مەملەكەتتىك كىرىستەر كوميتەتى «VOLGA DNEPR AIRLINES» كومپانياسى اۋە كەمەسىنە قاتىستى قوسىمشا اكىمشىلىك ءىس تولتىرعان، دەپ حابارلايدى قازاقپارات.

««VOLGA DNEPR AIRLINES» كومپانياسى اۋە كەمەسىنە قاتىستى اكىمشىلىك حاتتاما تولتىرىلىپ، كەدەندىك راسىمدەر جۇرگىزىلدى. سوندىقتان اۋە كەمەسى ەلوردا اۋەجايىنان ۇشىپ كەتتى»، - دەلىنگەن كوميتەت حابارلاماسىندا.

ەسكە سالساق، بۇگىن نۇرسۇلتان نازاربايەۆ» حالىقارالىق اۋەجايىندا «VOLGA DNEPR AIRLINES» اۋە كومپانياسىنىڭ ءۇرىمجى (ق ح ر) - نۇر-سۇلتان - ماسكەۋ باعىتىنداعى كوممەرتسيالىق رەيسىنىڭ RA-82074 ءنومىرلى اۋە كەمەسى توقتاعان.

ول تۋرالى اۋەجاي قىزمەتى «اۋەجاي استانا» كەدەن بەكەتىنىڭ قىزمەتكەرلەرىنە تەز ارادا حابارلاعان.

دەگەنمەن، اۋە كەمەسىنىڭ ەكيپاجى جانە ونىڭ وكىلى بەلگىلەنگەن ۋاقىت ىشىندە كەدەندىك راسىمدەۋگە قاجەتتى كەدەندىك قۇجاتتار مەن مالىمەتتەردى ۇسىنباعان.

سوندىقتان، اۋە كومپانياسىنا قاتىستى ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 538-بابىمەن اكىمشىلىكتىك ءوندىرىس قوزعالدى.


جاڭالىقتار