گولوۆكين اسقاقتاپ كەتكەن «كانەلونى» جەرگە ءتۇسىردى

نۇر-سۇلتان. قازاقپارات - ورتا سالماقتا WBA Super، IBF جانە IBO چەمپيونى گەننادي گولوۆكين (42-1-1، 37 ك و) مەكسيكالىق ساۋل «كانەلو» الۆارەستىڭ (57-2-2، 39 ك و) الەكساندر ۋسيكپەن جۇدىرىقتاسۋعا دايىن دەگەنىنە قاتىستى سىن ايتتى.

«مەن «كانەلومەن» تەك ورتا سالماقتا جۇدىرىقتاستىم. ول ديۆيزيوندا كومبيناتسيالاردى جىلدام جاسايتىن. ال اۋىر، نوكاۋتقا تۇسىرەتىن سوققى بولمادى، وزدەرىڭىز دە كوردىڭىزدەر. كەيىنگى ايقاستارىندا وزگە قارسىلاس، باسقا دەڭگەي بولدى.

كۇشىم ارتتى، ءبىرىنشى اۋىر سالماقتا جۇدىرىقتاسۋعا، ۋسيكتى جەڭۋگە دايىنمىن دەگەندە ءبىرشاما اداسۋ بار. ءبىراز جەرگە ءتۇسىپ ادام بولۋ كەرەك»، - دەپ بەرەدى گولوۆكيننىڭ ءسوزىن Fightnews.info.