سۇيىتىلعان گاز باعاسى جىل سوڭىنا دەيىن ساقتالاما؟
29 ماۋسىم 17:12

سۇيىتىلعان گاز باعاسى جىل سوڭىنا دەيىن ساقتالاما؟

نۇر-سۇلتان. قازاقپارات - سۇيىتىلعان گازدىڭ بۇگىنگى نارىقتاعى باعاسىن جىل سوڭىنا دەيىن ساقتاپ قالۋ جوسپارلانىپ وتىر.

بۇل تۋرالى قاۋلىنى باسەكەلەستىكتى قورعاۋ جانە دامىتۋ اگەنتتىگى «اشىق ن ق ا» سايتىندا تالقىعا شىعاردى، دەپ حابارلايدى قازاقپارات ءتىلشىسى.

«بۇعان دەيىن شەكتەۋ قويعان بۇيرىقتىڭ مەرزىمى 2022-جىلى شىلدەدە اياقتالادى. سۇيىتىلعان مۇناي گاز نارىعىنىڭ بولشەك سەگمەنتىندە ەركىن باعا بەلگىلەۋ ەنگىزىلسە، باعانىڭ كۇرت ءوسۋى مەن قوعامدا الەۋمەتتىك شيەلەنىستىڭ پايدا بولۋ قاۋپى بار. وسىعان بايلانىستى، باسەكەلەستىكتى قورعاۋ جانە دامىتۋ اگەنتتىگى جىل سوڭىنا دەيىن سۇيىتىلعان مۇناي گاز باعاسىن قازىرگى مولشەردە قالدىرۋدى ۇسىندى»، - دەلىنگەن قاۋلىدا.

اگەنتتىك مالىمەتىنشە، قازىرگى ۋاقىتتا زاڭ مەملەكەت باسشىسىنا قول قويۋعا جىبەرىلگەن.

نۇر-سۇلتان، الماتى قالالارى مەن اقمولا، قوستاناي، قاراعاندى، پاۆلودار، سولتۇستىك قازاقستان، جەتىسۋ، ۇلىتاۋ جانە الماتى وبلىستارىندا قازىر كولىك گازىنىڭ باعاسى ليترىنە - 70-75 تەڭگە كولەمىندە.

ال، شىمكەنت قالاسى مەن شىعىس قازاقستان، جامبىل، باتىس قازاقستان، قىزىلوردا، تۇركىستان جانە اباي وبلىستارىندا - 60-65 تەڭگە مولشەرىندە.

ەڭ تومەنگى باعا اقتوبە، اتىراۋ جانە ماڭعىستاۋ وبلىستارىندا. وندا ليترى - 50-55 تەڭگە تۇرادى.

ەسكە سالا كەتەيىك، جىل باسىندا ۇكىمەت شەشىمىمەن ەلىمىزدە گاز باعاسىنا 180 كۇندىك موراتوري جاريالانعان بولاتىن.

وعان ساي، سۇيىتىلعان وتىننىڭ ەڭ جوعارى قۇنى ليترىنە 70-75 تەڭگە بولىپ بەكىتىلدى.

جاڭالىقتار