احمەت بايتۇرسىن ۇلىنىڭ مەرەيتويىنا ارنالعان پوشتا ماركاسى شىقتى

None
None
نۇر-سۇلتان. قازاقپارات - ۇلت ۇستازى، ءتىل ءبىلىمى عىلىمىنىڭ اتاسى، رەفورماتور، تۇركى جۇرتىنا ورتاق ۇلى تۇلعا احمەت بايتۇرسىن ۇلىنىڭ 150 جىلدىعىنا ارنالعان مەرەيتويلىق پوشتا ماركاسى ازىرلەندى.

بۇل تۋرالى ءوزىنىڭ Facebook پاراقشاسىندا مادەنيەت جانە سپورت مينيسترلىگى ءتىل ساياساتى كوميتەتىنىڭ ءتوراعاسى ادىلبەك قابا جازدى، دەپ حابارلايدى قازاقپارات.

پوشتا ماركاسى قاي ەلدى دە بولماسىن الەمگە تانىتۋدا سول ەلدىڭ «ءۆيزيتتى كارتوچكاسى» سانالاتىنى بەلگىلى.

ديزاينى «قازپوشتا» ا ق- مەن كەلىسىلگەن ماركا ەندى ۇلى تۇلعانى تەك الەم جۇرتشىلىعىنا تانىتىپ عانا قويمايدى، سونىمەن قاتار ا. بايتۇرسىن ۇلى بەينەسى سان عاسىرلار بويى ۇرپاقتار جادىندا ساقتالاتىن بولادى.

قازاقستان رەسپۋبليكاسى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ اقپاراتىنا سايكەس اتالعان مينيسترلىكتىڭ 2022-جىلعى 31- مامىرداعى «قازاقستان رەسپۋبليكاسى پوشتا تولەمىنىڭ مەملەكەتتىك بەلگىلەرىنىڭ تۇرلەرى مەن كولەمدەرىن بەكىتۋ جانە پوشتا اينالىمىنا ەنگىزۋ تۋرالى» بۇيرىعىمەن 2022-جىلعى 3- ماۋسىمنان پوشتا ماركاسى 2000000 (2 ميلليون) دانا مولشەرىندە باسىپ شىعارىلىپ، اينالىمعا ەنگىزىلدى.

«ارنايى ءمورقالىبتى ماركا كونۆەرتتەرى الەم فيلاتەليستەرى كوللەكتسيالارىنان ورىن الارى ءسوزسىز»، - دەلىنگەن جازبادا.


سوڭعى جاڭالىقتار