تۇركيا شۆەتسيا مەن فينليانديانىڭ ناتو- عا كىرگەنىنە قارسىلىق بىلدىرمەيتىن بولدى
«فينليانديا مەن شۆەتسيانىڭ ناتو- عا كىرەر الدىنداعى قادامدارى وداقتاستارمەن ەكى كۇن ىشىندە كەلىسىلەدى» دەپ مالىمدەدى فينليانديا پرەزيدەنتى نينيستەنىڭ كەڭسەسى.
بۇل اقپاراتقا قاراعاندا، تۇركيا وسى اپتادا مادريدتە وتەتىن سامميتتە فينليانديا مەن شۆەتسيانىڭ ناتو- عا مۇشە بولۋ جونىندەگى وتىنىشىنە «قولداۋ كورسەتۋگە ءتيىس».
فين پرەزيدەنتى كەڭسەسىنىڭ مالىمەتىنشە، حەلسينكي، ستوكگولم مەن انكارا قاۋىپسىزدىككە قاتەر ماسەلەسى بويىنشا ءبىر- ءبىرىن تولىق قولداعا ۋاعدالاسقان.
تۇركيا پرەزيدەنتىنىڭ اكىمشىلىگى شۆەتسيا مەن فينليانديا انكارا تەررور ۇيىم دەپ سانايتىن كۇردىستان جۇمىسشى پارتياسى مەن وزگە دە ۇيىمدارعا قولداۋ كورسەتپەۋگە مىندەتتەندى دەپ حابارلادى.
كەزدەسۋ قورىتىندىسى بويىنشا سويلەگەن يەنس ستولتەنبەرگ فينليانديا مەن شۆەتسيانىڭ ناتو- عا كىرگەنى - رەسەي شەكاراسىندا ناتو كۇشتەرىنىڭ قىسقارتۋدى تالاپ ەتىپ جۇرگەن رەسەي پرەزيدەنتى ۆلاديمير پۋتيننىڭ ارەكەتىنە كەرەعار شىققان.
www.azattyq.org