قاۋىندى قالاي تاڭداعان دۇرىس
29 ماۋسىم 13:42

قاۋىندى قالاي تاڭداعان دۇرىس

نۇر- سۇلتان. قازاقپارات - قازىر كوشەدە قاۋىن مەن قاربىز كوتەرىپ بارا جاتقان ادامدى ءجيى كەزدەستىرەتىن شىعارسىز. الايدا ولاردى دۇرىس تاڭداۋدىڭ ماڭىزى زور.

قاربىز تۋرالى بۇعان دەيىن جازعانبىز، ال قاۋىندى قالاي تاڭداۋ كەرەكتىگىن بىلەسىز بە؟

1. دۇرىس ورىن

قاۋىندى سۋپەرماركەت، بازار جانە دۇكەننەن العان دۇرىس. وندا قاۋىن قولايلى جاعدايدا ساقتالادى. جول بويىنان الماۋعا تىرىسىڭىز، سەبەبى ول زياندى توكسيندەردى سىڭىرەدى.

2. قاۋىن قانداي بولۋى كەرەك؟

ەگەر ءسىز داقسىز، ويىعى جوق ءبۇتىن قاۋىن ساتىپ الساڭىز، قاتەلەسپەيسىز. ەشقاشان كەسىلگەن قاۋىن ساتىپ الماڭىز، بۇل ساپا كورسەتكىشى ەمەس. وندا اعزاعا زياندى زاتتار جينالۋى مۇمكىن.

3. دىبىس

قاۋىندى اقىرىن ۇرىپ كورىڭىز. ەگەر دىبىس قاتتى شىقسا. قاۋىن تىم ەرتە جۇلىنعان.

4. ءتۇسى

نەگىزگى تۇسىنەن ءسال اشىق ءبىر عانا دوڭگەلەك داق بولسا، الۋعا بولادى. قارا داقتار - قاۋىننىڭ بۇزىلا باستاعانىنىڭ بەلگىسى.

5. جۇمساقتىعى

جەڭىل باسقاندا، قاۋىن ازداپ باسىلۋ كەرەك. ەگەر بۇل بولماسا، وندا ول پىسپەگەن. ساۋساقتارىڭىزبەن باسقاندا ويىق پايدا بولسا، جەمىس جاقسى پىسكەن.

سونداي- اق ديەتلوگتار قاۋىننىڭ كەي ادامدار ءۇشىن قاۋىپتى ەكەنىن دە ەسكەرتەدى.


جاڭالىقتار