زاڭسىز اعاش كەسكەن جاعدايدا سالىناتىن ايىپپۇلدىڭ مولشەرى ازايماق

نۇر- سۇلتان. قازاقپارات - زاڭسىز اعاش كەسكەنى ءۇشىن سالىناتىن ايىپپۇلداردىڭ مولشەرى ازايماق. ماجىلىستە زاڭناماعا وسىنداي تۇزەتۋ ەنگىزۋ ۇسىنىلدى، دەپ حابارلايدى قازاقپارات ءتىلشىسى.

ءماجىلىس دەپۋتاتتارىنا قازاقستاننىڭ قىلمىستىق، قىلمىستىق- پروتسەستىك جانە اكىمشىلىك قۇقىق بۇزۋشىلىق تۋرالى كودەكستەرىنە ەكولوگيالىق قۇقىق بۇزۋشىلىقتار ءۇشىن جاۋاپتىلىقتى كۇشەيتۋدى كوزدەيتىن وزگەرىستەر مەن تولىقتىرۋلار ەنگىزۋ تۋرالى زاڭ جوبالارىن ءبىرىنشى وقىلىمدا تانىستىرعان ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ زاڭسىز اعاش كەسۋدىڭ ايىپپۇل مولشەرى وزگەرەتىنىن ءمالىم ەتتى.

«زاڭسىز اعاش كەسۋدىڭ تۇراقتى ديناميكاسىن ەسكەرە وتىرىپ، زاڭ جوباسىندا مىناداي كورسەتكىشتى تومەندەتۋ ۇسىنىلادى. ەلەۋلى زالال 100-دەن 50 ا ە ك- كە دەيىن، ءىرى زالال 1000-نان 500 ا ە ك- كە دەيىن ازايتىلماق. ال اسا ءىرى زالال كورسەتكىشى وزگەرىسسىز قالادى جانە 2000 ا ە ك- ءتى قۇرايدى»، - دەدى سەرىكقالي برەكەشيەۆ.

سونداي- اق، ول قلىمىستىق كودەكستىڭ 324، 325، 326، 328، 329، 330 جانە 333-باپتارىنداعى «ەكولوگيالىق زالال» تەرمينى «زالال» دەگەن ۇعىممەن اۋىستىرىلعانىن اتاپ ءوتتى. «ويتكەنى قىلمىستىق زاڭنامادا قۇقىقتىق انىقتاماسى جوق. قوعامدىق قاۋىپتى زارداپتاردى انىقتاۋعا قاتىستى ۇعىمدار قىلمىستىق كودەكستە «ءىرى زالال جانە ءىرى مولشەردە» جانە «ەرەكشە ءىرى زالال جانە اسا ءىرى مولشەردە» دەپ بەكىتىلگەن»، - دەدى مينيستر بۇعان دەيىن اتالمىش ۆەدومستۆو ۇلتتىق پاركتەردە 685 شاقىرىمدىق تۋريستىك مارشرۋت جاسالعانىن حابارلاعان بولاتىن.

اۆتور: ەسىمجان ناقتىباي