قىتاي- قىرعىزستان- وزبەكستان اراسىن جالعايتىن تەمىرجول سالىنباق
كەڭەستە قىرعىزستاننىڭ كولىك جانە كوممۋنيكاتسيا ءمينيسترى ەركىنبەك وسويەۆ «تورۋگارت - ماكمال - جالال- اباد» باعىتى بويىنشا تەمىر جول ماگيسترالىن سالۋ ماسەلەلەرى بويىنشا اقپارات ۇسىندى. ونىڭ ايتۋىنشا، جوبانىڭ ءتيىستى تەحنيكالىق- ەكونوميكالىق نەگىزدەمەسى وسى جىلدىڭ جەلتوقسان ايىندا دايىن بولادى.
«قىتاي - قىرعىزستان - وزبەكستان تەمىرجول قۇرىلىسىنىڭ جوباسى - ءبىز ەرەكشە باسىمدىق بەرەتىن بىرەگەي جوبا. بەيىندى مەملەكەتتىك ورگاندار بەلگىلەنگەن مەرزىمدە قاجەتتى دايىندىق جۇمىستارىن جۇرگىزۋى قاجەت»، - دەپ اتاپ ءوتتى مينيسترلەر كابينەتىنىڭ باسشىسى اقىلبەك جاپاروۆ.
«قىتاي- قىرعىزستان- وزبەكستان» تەمىرجولى - ءۇش ەلدىڭ، ودان ءارى پارسى شىعاناعى ەلدەرىنىڭ، ەۋروپالىق تەمىرجول جەلىسىمەن بايلانىستى تۇركيا رەسپۋبليكاسىنىڭ تەمىر جولدارىنا جول اشۋعا ارنالعان تەمىرجول ماگيسترالى.