الەمدەگى ەڭ ۇلكەن كوشە
مۇندا ءارتۇرلى باعىتتاعى 9 جولاق كوشە بار، سونىمەن قاتار، جولاقتار اراسىنا كوگالداندىرۋ جۇمىستارى جاقسى جۇرگىزىلگەن ەكەن. ونىڭ الەمدەگى ەڭ جالپاق كوشە اتانۋىنا سەبەپكەر بولعان وسى كوكتەر دەسە دە بولادى. اۆەنيۋدىڭ ءبىر بەتىنەن كەلەسى بەتىنە ءوتۋ ءۇشىن بىرنەشە مينۋتتار مەن ءۇش باعدارشام قاجەت.
كوشەنىڭ ۇزىندىعى - ءبىر شاقىرىم بولسا، ەنى 110 مەتردى قۇرايدى. كوشە وسىنداي جالپاقتىقپەن تۇتاستاي ءبىر كۆارتالدى الىپ جاتىر. اۆەنيۋ Retiro اۋدانىنان باستالىپ، باتىستاعى Rio de la Plata جولىنان اياقتالادى. كوشە بويىندا وبەليسك عيماراتى، فرانسۋزدىق ەلشىلىك، دون كيحوت ەسكەرتكىشى جانە تاعى دا باسقا ساۋلەت تۋىندىلارى ورنالاسقان. ولاردىڭ قۇرىلىستارى 1888 - جىلى جوسپارلانىپ، ايوحۋما اتاۋى تاعىلعان ەدى. ءبىراق، جەرگىلىكتى تۇرعىندار كوشەنىڭ بوي كوتەرۋىنە قارسى بولىپ، جۇمىستار ءبىرشاما ۋاقىتقا توقتاپ قالدى. 1935 -جىلى عانا باستالعان قۇرىلىس ءوز جەمىسىن بەرىپ، بۇگىندە الەمدى اۋزىنا قاراتقان كوشەنى جاساپ شىعاردى.
بۋەنوس ايرەس تۇرعىندارى ءوز قالالارىندا وسىنداي كەرەمەت كوشەنىڭ بولعاندىعىن ماقتان تۇتادى.
Massaget.kz