قىتاي كارانتين رەجيمىن جەڭىلدەتتى
29 ماۋسىم 08:56

قىتاي كارانتين رەجيمىن جەڭىلدەتتى

نۇر- سۇلتان. قازاقپارات - قىتاي بيلىگى كوروناۆيرۋس جۇقتىرعانداردىڭ وقشاۋلانۋ مەرزىمىن ەكى ەسەگە قىسقارتىپ، COVID-19 ءۇشىن كارانتين رەجيمىن جۇمسارتتى، دەپ حابارلايدى قىتايدىڭ ۇلتتىق دەنساۋلىق ساقتاۋ كوميسسياسى.

ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ حابارلاۋىنشا، بۇدان بىلاي ساياحاتشىلار كارانتيندە جەتى كۇن بولىپ، ودان كەيىن تاعى ءۇش كۇن ۇيدە باقىلانادى. بۇعان دەيىن قوناقۇيدە 21 كۇندىك كارانتين تالاپ ەتىلگەن، ال كەيبىرەۋلەرىنە وقشاۋلانۋدىڭ سوڭعى اپتاسىن ۇيدە وتكىزۋگە رۇقسات بەرىلدى. سونىمەن قاتار، كارانتين كەزىندە تەستىلەۋگە قويىلاتىن تالاپتار جەڭىلدەتىلدى. ەندى تۋريستەردىڭ مۇرنىنان ەمەس، تاماعىنان جۇعىندى الۋ جەتكىلىكتى بولادى. جاڭا ۇسىنىستاردا ساياحاتشىلار ءۇشىن ۆاكسينا سالدىرۋ تالاپتارى ايتىلمادى.

جاڭالىقتار