نۇر- سۇلتان- پاۆلودار تراسساسىندا ەر ادام كولىك ىشىندە جانىپ كەتتى
جول اپاتى 28- ماۋسىم كۇنى «نۇر- سۇلتان- پاۆلودار» تاسجولىندا، پوگرانيچنيك جانە سپۋتنيك اۋىلدارىنىڭ اراسىندا بولعان. جەڭىل كولىكتىڭ جۇرگىزۋشىسى قارسى باعىتتا كەلە جاتقان كاماز- بەن سوقتىعىسقان. سوققى سالدارىنان جەڭىل كولىك جانا باستاعان. ەكى ادام اۋرۋحاناعا ءتۇسىپ، ءبىر ادام كولىك ىشىندە جانىپ كەتتى.
«اتالعان فاكتى بويىنشا پوليتسيا ق ر قىلمىستىق كودەكسىنىڭ 345-بابى بويىنشا سوتقا دەيىنگى تەرگەۋدى باستادى. ساراپتامالار تاعايىندالدى»، - دەدى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
وبلىستىق دەنساۋلىق ساقتاۋ باسقارماسىنىڭ مالىمەتىنشە، كولىك ىشىندە جانىپ كەتكەن جولاۋشىنىڭ تۇلعاسىن انىقتاۋ مۇمكىن بولماعان. سەبەبى ول ماشيناعا جولشىباي مىنگەن.
«1987 -جىلى تۋعان ەر ادام ومىرتقا سۇيەگىنىڭ سىنۋى دياگنوزىمەن، 1999 -جىلى تۋعان ەر ادام جابىق باس ميىنىڭ جاراقاتى، بەتىنىڭ جىرتىلعان جاراقاتى دياگنوزىمەن پاۆلودار قالاسىنىڭ №1 اۋرۋحاناسىنا جەتكىزىلدى. ءۇشىنشى ادام «inDriver» قوسىمشاسىمەن كولىككە وتىرعان جولاۋشى. ول تولىعىمەن جانىپ كەتكەندىكتەن، كىم ەكەنىن انىقتاۋ مۇمكىن بولمادى»، - دەدى باسقارمادان. جول اپاتى بولعان جەرگە جەدەل جاردەمنىڭ ەكى توبى شىعىپ، قىزمەت كورسەتكەن.