قازاقپارات ءتىلشىسى «قۇرمەت» گراموتاسىمەن ماراپاتتالدى
28 ماۋسىم 20:58

قازاقپارات ءتىلشىسى «قۇرمەت» گراموتاسىمەن ماراپاتتالدى

نۇر-سۇلتان. قازاقپارات - جۋرناليستەر كۇنى اياسىندا پرەزيدەنت تەلەراديوكەشەنىنىڭ ماماندارى «اقپارات سالاسىنىڭ ۇزدىگى» توسبەلگىسىمەن جانە «قۇرمەت» گراموتاسىمەن ماراپاتتالدى، دەپ حابارلايدى قازاقپارات ءتىلشىسى.

ماراپاتتى قازمەديا ورتالىعىندا ق ر اقپارات جانە قوعامدىق دامۋ ءمينيسترى اسقار وماروۆ تابىس ەتتى جانە بارشا جۋرناليستى ءتول مەرەكەسىمەن قۇتتىقتادى.

«بىزدەگى مەديا سالاسى وتە تابىستى دامىپ كەلەدى، جاڭا تەندەنتسيالار پايدا بولىپ جاتىر. بۇل قازاقستاننىڭ مەدياسفەراسى ىشكى الاڭدا عانا ەمەس، سىرتقى مەدياسفەرادا دا جۇمىس ىستەپ جاتقانىن كورسەتەدى. ءبىزدىڭ سەريالدار كوپتەگەن ەلدەرگە ساتىلادى. ءبىزدىڭ يننوۆاتسيالىق ونىمدەرىمىزگە كورشى ەلدەر قىزىعۋشىلىق تانىتىپ وتىر. ءبىزدىڭ جاڭالىقتارىمىزعا باسقا ەلدەر سىلتەمە جاسايدى. مىسالى، كورشىلەس ەلدە ءبىزدىڭ ءۇش اقپاراتتىق اگەنتتىگىمىز سىلتەمە جاسالعان رەسۋرستاردىڭ قاتارىنا كىرەدى. مۇندا توقتاپ قالۋعا بولمايدى. ءبىزدىڭ مەدياسالانىڭ الەۋەتى ايتارلىقتاي جوعارى»، - دەدى اقپارات ءمينيسترى.

اسقار وماروۆ ەلدەگى تەلەارنالار، اقپاراتتىق پورتالدار، اقپاراتتىق اگەنتتىكتەر وندىرەتىن ونىمدەردىڭ سۇرانىسقا يە ەكەنىن اتاپ ءوتتى.

بۇل رەتتە، بۇقارالىق اقپارات قۇرالدارىنىڭ كوپشىلىگى كونتينگەنتتىك فورماتتى پايدالانادى، جاڭا جاعدايدا ءومىر سۇرەدى.

«ينتەرنەتتىڭ، ۆيرتۋالدى ورتانىڭ قارقىندى دامۋىمەن بىرگە ءبىزدىڭ ب ا ق باسەكەگە قابىلەتتى بولا تۇسەدى. اقپارات جانە قوعامدىق دامۋ مينيسترلىگى بۇعان تەك جاردەم ەتەدى»، - دەدى اسقار وماروۆ.

اقپارات ءمينيسترى ءبىرقاتار ب ا ق قىزمەتكەرىن «قۇرمەت» گراموتاسىمەن جانە «اقپارات سالاسىنىڭ ۇزدىگى» توسبەلگىسىمەن ماراپاتتادى.

ولاردىڭ قاتارىندا پرەزيدەنت تەلەراديوكەشەنىنىڭ قىزمەتكەرلەرى دە بار.

اتاپ ايتقاندا، تەلەراديوكەشەن قۇرامىنداعى «Qazaq TV» تەلەارناسىنىڭ باس رەداكتورى ايگەرىم وسپانوۆا «اقپارات سالاسىنىڭ ۇزدىگى» توسبەلگىسىمەن ماراپاتتالدى.

ال «قازاقپارات» حالىقارالىق اقپارات اگەنتتىگىنىڭ ءتىلشىسى اقبوتا كۇزەكباي ب ا ق سالاسىنىڭ دامۋىنا قوسقان ۇلەسى مەن ءمىنسىز قىزمەتى ءۇشىن «قۇرمەت» گراموتاسىمەن ماراپاتتالدى.

جاڭالىقتار