قازاقستان اتوم ەنەرگياسىن سالۋدا وڭتۇستىك كورەيا تاجىريبەسىن قاراستىرىپ جاتىر
28 ماۋسىم 17:27

قازاقستان اتوم ەنەرگياسىن سالۋدا وڭتۇستىك كورەيا تاجىريبەسىن قاراستىرىپ جاتىر

سەۋل. قازاقپارات - قازاقستان مەن وڭتۇستىك كورەيا اتوم ەنەرگياسىن دامىتۋ سالاسىنداعى ستراتەگيالىق سەرىكتەستىكتى نىعايتىپ جاتىر، دەپ حابارلايدى قازاقپارات.

28- ماۋسىمدا وڭتۇستىك كورەيانىڭ سەۋل قالاسىندا ەنەرگەتيكا ۆيتسە-ءمينيسترى جاندوس نۇرماعانبەتوۆ باستاعان قازاقستاندىق دەلەگاتسيا مەن وڭتۇستىك كورەيانىڭ ساۋدا، ونەركاسىپ جانە ەنەرگەتيكا مينيسترلىگىنىڭ وكىلدەرى، سونداي-اق يادرولىق تەحنولوگيالاردى جەتكىزۋشى - Korea Hydro Nuclear Power (KHNP) كومپانياسى اراسىندا كەزدەسۋ ءوتتى.

كەزدەسۋ بارىسىندا «قازاقستاندىق اتوم ەلەكتر ستانتسيالارى» ج ش س مەن KHNP اراسىندا اتوم ەنەرگەتيكاسىن دامىتۋ سالاسىنداعى ءوزارا تۇسىنىستىك تۋرالى مەموراندۋمعا قول قويىلدى.

وسى مەموراندۋم قازاقستان مەن وڭتۇستىك كورەيا اراسىنداعى اتوم ەنەرگياسىن دامىتۋ سالاسىنداعى ستراتەگيالىق ارىپتەستىكتى نىعايتۋعا ىقپال ەتەدى.

KHNP كومپانياسى - وڭتۇستىك كورەيانىڭ 24 ا ە س- ىنە يەلىك ەتەتىن جانە باسقاراتىن KEPCO ەنشىلەس ۇيىمى.

ا ە س قۋاتى بويىنشا KHNP الەمدە 3- ورىندا جانە تەحنيكالىق-ەكونوميكالىق نەگىزدەمە ازىرلەۋدەن باستاپ، ا ە س سالۋ جانە پايدالانۋعا بەرۋگە دەيىن ستانتسيا كونسترۋكتسيالارىن تۇرلەندىرۋ مەن جەتىلدىرۋ بويىنشا تەحنيكالىق كومەك كورسەتەدى.

قازىرگى ۋاقىتتا KHNP بىرىككەن اراب امىرلىكتەرىندە APR-1400 رەاكتورى بار باراك ا ە س- ءنىڭ 4 ەنەرگيا بلوگىن سالۋ بويىنشا جوبانى ىسكە اسىرىپ جاتىر. ونىڭ ەكەۋى 2020-2021-جىلدارى پايدالانۋعا بەرىلدى.

جاڭالىقتار