كاسىپكەردەن اقشا تالاپ ەتكەن قارۋلى قىلمىستىق توپ ۇستالدى
28 ماۋسىم 16:13

كاسىپكەردەن اقشا تالاپ ەتكەن قارۋلى قىلمىستىق توپ ۇستالدى

نۇر-سۇلتان. قازاقپارات - انتيكور كاسىپكەردەن اقشا تالاپ ەتكەن قىلمىستىق توپتىڭ مۇشەسىن ۇستادى، دەپ حابارلايدى قازاقپارات.

«سىبايلاس جەمقورلىققا قارسى قىزمەت كاسىپكەردەن مەملەكەتتىك ساتىپ الۋ تۋرالى كونكۋرستا جەڭىمپاز دەپ تانىعانى ءۇشىن ەلوردا كۆازيمەملەكەتتىك سەكتورى سۋبەكتىلەرىنىڭ ءبىرىنىڭ باسشىلىعىنا پارا رەتىندە قارجى تالاپ ەتكەن كريمينالدىق توپتىڭ وكىلىن اشكەرەلەۋ بويىنشا ارنايى وپەراتسيا جۇرگىزدى. 25- ماۋسىمىندا اتالعان ادام 15 ميلليون تەڭگە العان كەزدە ۇستالىپ، تەرگەۋ سوتىنىڭ سانكتسياسىمەن قاماۋعا الىندى. ۇستالعانداردان تىركەلمەگەن جاۋىنگەرلىك اتىس قارۋى - «TT « جانە «SmithWesson» ماركالى تاپانشالارى مەن ولاردىڭ پاتروندارى، سونداي-اق قولدان جاسالعان جارىلعىش قۇرىلعىنىڭ مۋلياجى، كاستەت، پىشاقتار جانە سۋىق قارۋدىڭ باسقا دا تۇرلەرى تابىلىپ، تاركىلەندى»، - دەلىنگەن انتيكور حابارلاماسىندا.

ولاردىڭ كىنالى ەكەنىن سوت انىقتايدى.

جاڭالىقتار