نۇر-سۇلتاندا استانا كۇنى قالاي اتاپ وتىلەدى
28 ماۋسىم 13:55

نۇر-سۇلتاندا استانا كۇنى قالاي اتاپ وتىلەدى

نۇر-سۇلتان. قازاقپارات - بيىل ەلىمىزدىڭ باس قالاسى ءوزىنىڭ 24 جىلدىعىن اتاپ ءوتىپ جاتىر. ەلوردامىزدىڭ تۋعان كۇنىنە وراي مادەنيەت، سپورت مەكەمەلەرى، قالانىڭ شىعارماشىلىق ۇجىمدارى كوڭىلدى، مەرەكەلىك باعدارلاما دايىنداپ وتىر.

قالا تۇرعىندارى مەن قوناقتاردى كونسەرتتەر، كورمەلەر، فەستيۆالدار، پرەمەرالار جانە ت. ب. تاماشالاي الادى، دەپ حابارلايدى نۇر- سۇلتان اكىمدىگىنىڭ رەسمي سايتى.

ەلوردانىڭ 24 جىلدىعىنا وراي قالادا ءبىرقاتار الەۋمەتتىك نىسانداردىڭ، گۇلزارلاردىڭ، قوعامدىق كەڭىستىكتەردىڭ، 80-نەن اسا اۋلانىڭ سالتاناتتى اشىلۋى وتەدى. بۇدان بولەك، وسى كۇنگە وراي ەلوردانىڭ ءبىرقاتار ۆەدومستۆولىق باعىنىستى ۇيىمدارى كونسەرتتەر، سپورتتىق تۋرنيرلەر، كورمەلەر جانە ت. ب. ۇيىمداستىرادى.

28-ماۋسىم كۇنى ساعات 19:00-دە مەملەكەتتىك اكادەميالىق فيلارمونيا ساحناسىندا ەرمۇرات ۇسەنوۆتىڭ 70 جىلدىعىنا ارنالعان «قورقىت» ەتنو-انسامبلى «ءومىر داستان» كونسەرتىن قويادى. وسى كۇنى ەلوردادا ەرلەر مەن ايەلدەر اراسىندا بوكستان «ەلوردا كۋبوگى» حالىقارالىق تۋرنيرى باستالادى.

ول جاقسىلىق ۇشكەمپىروۆ اتىنداعى جەكپە-جەك سارايىندا 5 -شىلدەگە دەيىن وتەدى.

30-ماۋسىمدا «جاستار» تەاترىندا سۋرەتشى گۇلنازىم ءومىرزاقتىڭ كورمەسىن، سونداي- اق ديزاينەر التىنبەك ەرمۇحاننىڭ ءسان كورسەتىلىمىن تاماشالاۋعا بولادى. 1-6-شىلدە ارالىعىندا «اتامەكەن» ەتنو- مەموريالدىق كەشەنىندە «ەلوردا پەيزاجدارى» اتتى ارت- كورمە ۇيىمداستىرىلادى.

بىرىككەن مۋزەيلەر ديرەكتسياسى مەرەكەگە وراي بىردەن بىرنەشە ەكسپوزيتسيا ۇيىمداستىرادى:

1-8-شىلدە ارالىعىندا - «ەل تىرەگى - ەلوردا» كورمەسى، 1-5-شىلدە ارالىعىندا - «كيەلى مەنىڭ استانام» فوتوكورمەسى.

5-شىلدە كۇنى مۇندا «الەم كارتاسىنداعى جاڭا ەلوردا» اتتى ءىس- شارا وتەدى.

1-شىلدە كۇنى ساعات 20:00-دە ەسىل وزەنى جاعالاۋىنداعى امفيتەاتردا باتىرحان شۇكەنوۆتىڭ شىعارماشىلىعىنا ارنالعان «تۆوي شاگي» اتتى كونسەرت وتەدى.

3-شىلدە كۇنى ساعات 20:30-دا ەكسپو الاڭىندا ۇلتتىق دومبىرا كۇنى اتاپ وتىلەدى. سول كۇنى ساعات 18:00-دە ەلوردالىق فيلارمونيا مەرەكەلىك كونسەرتكە شاقىرادى. سول سياقتى «بارىس ارەنا» مۇز سارايىندا قازاق كۇرەسىنەن «قازاقستان بارىسى» رەسپۋبليكالىق تۋرنيرى وتەدى.

4-شىلدە كۇنى ساعات 18:00-دە امفيتەاتر ساحناسىندا «استانا كەشى كوڭىلدى» مەرەكەلىك كونسەرتىمەن وتاندىق ەسترادا ارتىستەرى مەن شىعارماشىلىق ۇجىمدار ونەر كورسەتەدى.

4-6-شىلدە ارالىعىندا ورتالىق ساياباقتا «Mereke Street» قالالىق مادەنيەت فەستيۆالى وتەدى.

5-شىلدە كۇنى ساعات 19:00-دە فيلارمونيانىڭ كونسەرت زالىندا «ءازىل الەمى» ءازىل كەشى ۇيىمداستىرىلادى. 5-شىلدە كۇنى ساعات 19:00-دە «استانا وپەرا» وپەرا جانە بالەت تەاترى كۇمىس عاسىردىڭ «شوپەنيانا» جانە «شەحرەزادا» بالەتتەرىن ۇسىنادى.

5 جانە 6-شىلدە كۇندەرى «كوليزەي» سپورت كەڭىستىگىندە «وتان انا» مونۋمەنتىنىڭ جانىندا ستريتبولدان «Nur Sultan Cup» تۋرنيرى ۇيىمداستىرىلادى.

5-9-شىلدە ارالىعىندا «استانا بالەت» تەاترى «ورفەي جانە ەۆريديكا» بالەتىنىڭ پرەمەراسىنا شاقىرادى.

استانا كۇنى، ياعني 6-شىلدەدە ساعات 11:00-دە ترياتلون پاركتە «Elorda Tolqyny» سپورتتىق جارىسى باستالادى. وسى ۋاقىتتا «قازانات» يپپودرومىندا شاباندوزدار اراسىندا بايگەدەن «استانا كۋبوگى» جارىسى وتەدى.

سول كۇنى كەشكە، ساعات 21:00-دە امفيتەاتر ساحناسىندا ۇلىقپان جولداسوۆ «اق قانات - اق قۇسىم» باعدارلاماسىمەن ونەر كورسەتەدى. ساعات 18:00-دەن 22:00-گە دەيىن «استانا- ارەنا» ستاديونىنىڭ تۇراعىندا «حالىقپەن بىرگە» ءداستۇرلى Open air وتەدى. سول كۇنى كەشكە «قازاقستان» و ك ز «دوس-مۇقاسان» انسامبلىنىڭ شىعارماشىلىعىنا ارنالعان «دالام مەنىڭ» كونسەرتى ۇيىمداستىرىلادى.

8-شىلدە كۇنى ساعات 12: 00-دە امفيتەاتردا «مەن سەنى سۇيەمىن، استانام» اتتى كونسەرتتىك قويىلىم وتەدى. ساعات 10:00-دەن 22:00-گە دەيىن «بارىس ارەنا» ماڭىندا 12 ساعاتتىق «You Fest» Open air وتەدى. ساعات 17:00-دەن 22:00-گە دەيىن مەملەكەتتىك اكادەميالىق فيلارمونيادا رەسپۋبليكالىق اقىندار ايتىسى وتەدى.

جاڭالىقتار