مەملەكەتتىك ورگاندار اقپاراتتى دۇرىس بەرمەيدى -  مينيستر وماروۆ
28 ماۋسىم 13:40

مەملەكەتتىك ورگاندار اقپاراتتى دۇرىس بەرمەيدى -  مينيستر وماروۆ

نۇر-سۇلتان. قازاقپارات - مەملەكەتتىك ورگاندار اقپاراتتى دۇرىس ءارى ۋاقىتىلى بەرمەيدى.

وسىنىڭ كەسىرىنەن ەلدە فەيك-مالىمەتتەر تارايدى ياكي بۇقارا ماڭىزدى ماسەلەلەردەن حابارسىز بولىپ جاتادى.

اقپارات جانە قوعامدى دامىتۋ ءمينيسترى ۇكىمەت وتىرىسىندا وسى جايتقا توقتالدى.

اسقار وماروۆتىڭ ايتۋىنشا، قوعامدا كەڭىنەن ءتۇسىندىرىلۋى ءتيىس ماسەلەلەرگە كەلگەندە، مەملەكەتتىك ورگاندار كەشەۋىلدەپ جاتادى نەمەسە اقپاراتتى از بەرەدى.

سوسىن ولار ۇسىنعان سپيكەرلەر دە كوپ جاعدايدا وتكىر سۇراقتارعا دۇرىس جاۋاپ بەرە المايدى. «بىرىنشىدەن، مەملەكەتتىك ورگانداردىڭ جۇمىسىن باق- تا كەڭىنەن تۇسىندىرۋگە ارنالعان تاقىرىپتار بويىنشا اقپاراتتىڭ از بەرىلۋى. ەكىنشى، جەكە جانە زاڭدى تۇلعالاردىڭ، سونداي- اق باق- تىڭ رەسمي ساۋالدارى مەن سۇرانىستارىنا بەرىلەتىن جاۋاپتاردا تولىق اقپاراتتىڭ بولماۋى. ۇشىنشىدەن، باق- تا تۋىنداعان ماسەلەلەردى ءتۇسىندىرۋ بويىنشا بىلىكتىلىگى تومەن سپيكەرلەردى ۇسىنۋ. اقپاراتتىق- ءتۇسىندىرۋ جۇمىسىنىڭ ماڭىزدىلىعىن ەسكەرە وتىرىپ، اتالعان فاكتورلاردى مەملەكەتتىك ورگانداردىڭ جۇمىسىندا ەسكەرۋ قاجەت»، دەيدى ق ر اقپارات جانە قوعامدىق دامۋ ءمينيسترى اسقار وماروۆ.

جاڭالىقتار