مامان نەگە ءدال قازىر رەۆاكسينالاۋ ماڭىزدى ەكەنىن ايتتى

نۇر-سۇلتان. قازاقپارات - ەلدەگى جانە الەمدەگى ەپيدەميولوگيالىق جاعداي تۇراقتى بولعانىنا قاراماستان، زەرتتەۋشىلەر رەۆاكسينا الۋ قاجەت ەكەنىن ايتادى، ويتكەنى ادام اعزاسىن ۆيرۋستان ساقتاندىرۋ ءۇشىن كۇشتى قورعانىس قاجەت.

بۇل تۋرالى سانيتاريالىق- ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ ايتتى.

«الدا اۋرۋدىڭ ءوسۋى پوپۋلياتسياداعى وميكرون شتامىنىڭ ba.4/ۆا.5 سۋبۆاريانتتارىمەن تارالۋىنا بايلانىستى بولۋى مۇمكىن، ولار الدىڭعى تۇرلەرىنە قاراعاندا، يممۋنيتەتتى اينالىپ ءوتۋ قاسيەتىنە يە.

سونىمەن قاتار، اۋرۋدىڭ وزىنەن باسقا، كوروناۆيرۋستىڭ جاڭا نۇسقالارى پوستكوۆيد سيندرومىنىڭ دامۋىنا اكەلۋى مۇمكىن، بۇل جىلدار بويى جاعىمسىز بەلگىلەردىڭ جالعاسۋىن، ءتىپتى مۇگەدەك بولىپ قالۋ قاۋپىن توندىرەدى»، - دەدى ول.

ونىڭ ايتۋىنشا، اۋرۋ اسقىنعان جاعدايدا بۇل ءتيىمدى قۇرال بولا الادى.

«رەۆاكسيناتسيا ەلىمىزدە اۋرۋحاناعا جاتقىزۋعا قارسى ءتيىمدى جانە اۋرۋدىڭ اۋىر، اسقىنعان جاعدايلارىنا قارسى 98,6 پايىز ءتيىمدى بولادى. سونىمەن قاتار، بۇل پوستكوۆيد سيندرومنان قورعاۋعا مۇمكىندىك بەرەدى.

قازاقستان دەنساۋلىق ساقتاۋ مينيسترلىگىنىڭ ۇسىنىمدارىنا سايكەس كەيىنگى الىنعان ەكپەدەن نەمەسە اۋىرعاننان كەيىن جارتى جىل ارالىعىمەن قايتا ۆاكسيناتسيالاۋعا بولادى»، - دەدى ەرجان بايتانايەۆ.

زەرتتەۋلەر بىرنەشە رەت جاسالعان ۆاكسيناتسيادان كەيىن انتيدەنە تيترلەرى كۇشەيە تۇسەتىنىن كورسەتكەن، ياعني قورعانىس جوعارى بولادى.

massaget.kz