ۆيتسە-پرەمەر ەرۇلان جاماۋبايەۆ قانشا جالاقى الاتىنىن ايتتى
28 ماۋسىم 12:37

ۆيتسە-پرەمەر ەرۇلان جاماۋبايەۆ قانشا جالاقى الاتىنىن ايتتى

نۇر-سۇلتان. قازاقپارات - پرەمەر-ءمينيستردىڭ ورىنباسارى، قارجى ءمينيسترى ەرۇلان جاماۋبايەۆ ءوزىنىڭ ەكى لاۋازىمىندا قانشا جالاقى الاتىنىن ايتتى، دەپ حابارلايدى قازاقپارات ءتىلشىسى.

«جالاقىمدى قارجى مينيسترلىگىنەن الامىن جانە ۆيتسە- پرەمەر رەتىندە قوسىمشا اقى تولەنەدى. شامامەن جالپى جالاقىم 1,5 ميلليون تەڭگەنى قۇرايدى. ال مينيستر رەتىندە- شامامەن 1,3 ميلليون تەڭگە»، - دەپ جاۋاپ بەردى ەرۇلان جاماۋبايەۆ ۇكىمەت ۇيىندە تىلشىلەر سۇراعىنا.

سونىمەن بىرگە مينيستر شەنەۋنىكتەردىڭ دەكلاراتسيالارىن جاريالاۋ تۋرالى سۇراققا دا جاۋاپ بەردى. «بۇل ماسەلە دە جالپى تالقىلانىپ جاتىر. ءبىز مەملەكەتتىك قىزمەتشىلەرمىز، ءبىزدىڭ جالاقىمىزدى جاقسى بىلەسىزدەر. جىل سايىن دەكلاراتسيانى كىم تاپسىرادى - ارينە، مەملەكەتتىك قىزمەتشىلەر. ءبىز جالپىعا بىردەي دەكلاراتسيالاۋ جولىمەن كەلە جاتىرمىز جانە 2025 -جىلعا قاراي رەسپۋبليكامىزدىڭ بارلىق ازاماتى وزدەرىنىڭ جىل سايىنعى دەكلاراتسيالارىن جاريالايتىن، تاپسىراتىن كەزگە كەلەمىز. سوندا بارلىعى بەلگىلى بولادى. مەن دە ءوز دەكلاراتسيامدى ۇسىنۋعا دايىنمىن»، - دەدى ە. جاماۋبايەۆ.

جاڭالىقتار