باسپا ءسوز حاتشىلارى رەسمي حابارلاردى بەرۋدىڭ جاڭا فورماتىنا كوشۋى كەرەك - ۇكىمەت باسشىسى
28 ماۋسىم 12:25

باسپا ءسوز حاتشىلارى رەسمي حابارلاردى بەرۋدىڭ جاڭا فورماتىنا كوشۋى كەرەك - ۇكىمەت باسشىسى

نۇر-سۇلتان. قازاقپارات - بۇل تۋرالى بۇقارالىق اقپارات قۇرالدارىنا ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

«بۇقارالىق اقپارات قۇرالدارىنا انىقتامالىق ماتەريالداردى ۋاقىتىلى ۇسىنۋ كەرەك. تەك سوندا عانا قوعام قاراپايىم حالىققا ارنالعان يگى ىستەردىڭ قالاي جاسالىپ جاتقانىن كورە الادى. مەملەكەتتىك ورگانداردىڭ رەسمي وكىلدەرى، باسپا ءسوز حاتشىلارى رەسمي حابارلاردى بەرۋدىڭ جاڭا فورماتىنا كوشۋ كەرەك دەپ سانايمىن. كاسىبي، قۇرعاق تىلدە جازىلعان پرەسس رەليزدەردى تاراتۋمەن عانا شەكتەلىپ قالۋعا بولمايدى»، - دەدى ءاليحان سمايىلوۆ بۇگىن ۇكىمەت وتىرىسىندا.

وسى رەتتە ۇكىمەت باسشىسى بريفينگتەر مەن سايتتاردان باسقا مەملەكەتتىك ورگاننىڭ قىزمەتىن الەۋمەتتىك جەلىلەردە بەلسەندى جاريالاپ، حالىقتىڭ سۇراقتارىنا تۇراقتى تۇردە جاۋاپ بەرۋ قاجەتتىگىن باسا ايتتى.

«اقپارات جانە قوعامدىق دامۋ مينيسترلىگى وسى باعىتتا بارلىق مەملەكەتتىك ورگانداردىڭ جۇمىسىن ۇيلەستىرىپ، وعان تۇراقتى مونيتورينگ جۇرگىزىپ وتىرۋى جانە قولداۋ كورسەتۋ ءتيىس»، - دەگەن پرەمەر- مينيستر بۇل جۇمىستاردى ۇيلەستىرۋدى ورىنباسارى ەرالى توعجانوۆقا جۇكتەدى.


جاڭالىقتار