باسپاسوزگە وڭتايلى جاعداي جاساۋ ماڭىزدى ماسەلە - ۇكىمەت باسشىسى
«قوعامدىق پىكىردى قالىپتاستىرۋدا بۇقارالىق اقپارات قۇرالدارى ەرەكشە ءرول اتقارادى. سوندىقتان مەملەكەت پەن حالىق اراسىنداعى ءتيىمدى بايلانىس قۇرالى بولۋى ءۇشىن باسپا سوزگە وڭتايلى جاعداي جاساۋ ماڭىزدى ماسەلە. مەملەكەت باسشىسى قاسىم- جومارت كەمەل ۇلى توقايەۆ حالىققا جولداۋىندا بۇقارالىق اقپارات قۇرالدارى باسەكەگە قابىلەتتى جانە تاۋەلسىز بولۋى ءتيىس ەكەنىن اتاپ كورسەتتى. وسىعان بايلانىستى ازىرلەنىپ جاتقان «بۇقارالىق اقپارات قۇرالدارى تۋرالى» زاڭ جوباسى مەملەكەتتىڭ مۇددەسىن، قوعامنىڭ سۇرانىسىن جانە مەديا سالانىڭ دامۋ ۇردىستەرىن ەسكەرۋى ءتيىس»، - دەدى ءاليحان سمايىلوۆ بۇگىن ۇكىمەت وتىرىسىندا.
ۇكىمەت باسشىسى زاڭ جوباسىنداعى جاڭالىقتاردى ۇكىمەتتىك ەمەس ۇيىمداردى، جۇرتشىلىقتى، ساراپشىلار مەن جۋرناليستەردى قاتىستىرا وتىرىپ، كەڭىنەن تالقىلاۋعا شىعارۋ قاجەتتىگىن باسا ايتتى. «اقپارات جانە قوعامدىق دامۋ مينيسترلىگىنە زاڭ جوباسىن ازىرلەۋ جۇمىسىن جالعاستىرىپ، قۇجاتتى وسى جىلدىڭ سوڭىنا دەيىن پارلامەنت قاراۋىنا ەنگىزۋدى تاپسىرامىن» ، - دەدى ول.