شەرحان مۇرتازانىڭ ءىنىسى اكىم بولىپ تاعايىندالدى

None
None
نۇر-سۇلتان. قازاقپارات - پرەزيدەنت اكىمشىلىگىنىڭ جانە اۋداندىق ءماسليحاتىنىڭ كەلىسىمىمەن، جامبىل وبلىسى اكىمىنىڭ وكىمىمەن جۋالى اۋدانىنىڭ اكىمى بولىپ مۇرتازا جالعاس ءاليجان ۇلى تاعايىندالدى.

اۋدان اكتيۆىنە جاڭا اكىمدى ايماق باسشىسى نۇرجان نۇرجىگىتوۆ تانىستىردى.

مۇرتازا جالعاس ءاليجان ۇلى 1988 -جىلى جامبىل وبلىسى جۋالى اۋدانىندا تۋعان، ءبىلىمى جوعارى.

2009 -جىلى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «مەملەكەتتىك باسقارۋ» ماماندىعى بويىنشا بىتىرگەن.

ەڭبەك جولىن 2010 -جىلى قازاقستان رەسپۋبليكاسى قۇرىلىس جانە تۇرعىن ءۇي- كومممۋنالدىق شارۋاشىلىق ىستەرى اگەنتتىگىندە ەسەپشى بولىپ باستاعان.

ءار جىلدارى ق ر قۇرىلىس جانە تۇرعىن ءۇي- كومممۋنالدىق شارۋاشىلىق ىستەرى اگەنتتىگىندە ساراپشى، باس ساراپشى، جامبىل وبلىسى اكىمى اپپاراتىنىڭ ۇيىمداستىرۋ- ينسپەكتورلىق بولىمىندەگى وبلىس اكىمىنىڭ باس ينسپەكتورى، جامبىل اۋدانى اكىمىنىڭ ورىنباسارى قىزمەتتەرىن اتقارعان.

2020 -جىلعى ماۋسىم ايىنان بۇگىنگى كۇنگە دەيىن جامبىل وبلىسى اكىمى اپپاراتىنىڭ وڭىرلىك باقىلاۋ جانە ۇيىمداستىرۋ- ينسپەكتورلىق جۇمىسى ءبولىمىنىڭ باسشىسى لاۋازىمىندا قىزمەت اتقارىپ كەلدى.

ايتا كەتسەك، جالعاس مۇرتازا - شەرحان مۇرتازانىڭ تۋعان ءىنىسى - ءاليجاننىڭ بالاسى.



turkystan.kz

سوڭعى جاڭالىقتار