قازاقستاندىقتار ءۇشىن تانىمال ءارى سەنىمدى اقپارات كوزدەرى قانداي

نۇر-سۇلتان. قازاقپارات - قازاقستاندىقتاردىڭ باسىم بولىگى تەلەديدارعا سەنەدى. بۇل تۋرالى ۇكىمەت وتىرىسىندا ق ر اقپارات جانە قوعامدىق دامۋ ءمينيسترى اسقار وماروۆ ايتتى، دەپ حابارلايدى قازاقپارات ءتىلشىسى.

«قازاقستاندىقتار ءۇشىن تانىمال ءارى سەنىمدى اقپارات كوزدەرى قايسى دەگەن ماسەلەگە كەلەر بولساق، وندا Internews in Kazakhstan دەرەكتەرىنىڭ ستاتيستيكاسىن مىسال رەتىندە ايتساق بولادى. قازاقستاندىقتاردىڭ باسىم بولىگى تەلەديدارعا سەنەدى - 58,1 پايىز، ەكىنشى ورىندا - ينتەرنەت سايتتار (34,3 پايىز). بۇقارانىڭ جارتىسىنان كوبى مەملەكەتتىك مەدياعا سەنەدى - 51,4 پايىز، تەك 9,6 پايىزى جەكە ادامدارعا سەنەدى»، - دەدى مينيستر.

ونىڭ اتاپ وتۋىنشە، مەملەكەت باسشىسىنىڭ تاپسىرمالارىن ىسكە اسىرۋ اياسىندا مينيسترلىك ب ا ق- تىڭ باسەكەگە قابىلەتتىلىگىن دامىتۋ جانە ارتتىرۋ بويىنشا جۇيەلى جۇمىس جۇرگىزىپ جاتىر.

«ەلىمىزدە 2020 -جىلدان باستاپ اقپارات سالاسىن دامىتۋدىڭ 2020-2022 -جىلدارعا ارنالعان ۇلتتىق جوسپارىن جۇزەگە اسىرۋ بويىنشا جۇمىس جۇرگىزىلۋدە. بۇل جوسپار مەملەكەت پەن مەديا سالاسىنىڭ جۇيەلى شەشىمدەرىن تالاپ ەتەتىن ب ا ق سالاسىنداعى وزەكتى ماسەلەلەردى شەشۋ ماقساتىندا ازىرلەندى»، - دەدى اسقار وماروۆ.

اۆتور: مارلان جيەمباي