قازاقستاننىڭ تەلەسەريالدارىن سينگاپۋر، رەسەي، تۇركيا، وزبەكستان، قىرعىزستان سىندى ەلدەر ساتىپ الدى
28 ماۋسىم 10:55

قازاقستاننىڭ تەلەسەريالدارىن سينگاپۋر، رەسەي، تۇركيا، وزبەكستان، قىرعىزستان سىندى ەلدەر ساتىپ الدى

نۇر-سۇلتان. قازاقپارات - 5 جىلدا مەملەكەتتىڭ قولداۋىمەن 250-گە جۋىق سەريال ءتۇسىرىلدى.

بۇل تۋرالى ۇكىمەت وتىرىسىندا ق ر اقپارات جانە قوعامدىق دامۋ ءمينيسترى اسقار وماروۆ ايتتى، دەپ حابارلايدى قازاقپارات ءتىلشىسى.

«2021 -جىلى 166 تەلەارنانىڭ توپ-10-نا 6 قازاقستاندىق تەلەارنا، ونىڭ ىشىندە 3 مەملەكەتتىك تەلەارنا كىردى. سوڭعى 5 جىلدا مەملەكەتتىڭ قولداۋىمەن 3500-دەن استام سەريادان تۇراتىن 250-گە جۋىق سەريال ءتۇسىرىلدى. ولاردىڭ 50-دەن استامى سينگاپۋر، رەسەي، تۇركيا، وزبەكستان، قىرعىزستان جانە تاعى باسقا ەلدەرگە ساتىلدى»، - دەدى مينيستر.

ونىڭ اتاپ وتۋىنشە، مەملەكەتتىك تەلەارنالار الەۋمەتتىك جەلىلەردە اقپاراتتى ىلگەرىلەتۋ بويىنشا دا بەلسەندى جۇمىس جۇرگىزىپ جاتىر.

«ماسەلەن، قازىر «حابار» جانە «قازاقستان» تەلەارنالارىنىڭ YouTube ارنالارى وقىرمان سانى ميلليوننان اسقان كەزدە بەرىلەتىن «التىن باتىرما» ماراپاتىنىڭ يەگەرلەرى»، - دەدى اسقار وماروۆ.


جاڭالىقتار