قاڭتار وقيعاسىندا قازا تاپقان قاراعاندىلىق ساربازعا مەموريال تاقتاسى ورناتىلدى - فوتو
28 ماۋسىم 07:39

قاڭتار وقيعاسىندا قازا تاپقان قاراعاندىلىق ساربازعا مەموريال تاقتاسى ورناتىلدى - فوتو

قاراعاندى. قازاقپارات - بۇگىن قاراعاندى قالاسىندا قاڭتار وقيعاسىندا قازا بولعان ۇلتتىق ۇلان ساربازى ماديار قايساروۆتىڭ قۇرمەتىنە مەموريال تاقتاسى اشىلدى.

ەستەلىك تاقتا ساربازدىڭ ءۇيىنىڭ قابىرعاسىنا ورناتىلىپ، گۇل شوقتارى قويىلدى، دەپ حابارلايدى قازاقپارات ءتىلشىسى.

«مادياردىڭ ەرلىگى - بارىمىزگە ۇلگى. ەلىمىزدىڭ باسىنا كۇن تۋعان كەزدە قانشاما سارباز ساپتا تۇرىپ ەلىمىزدىڭ تىنىشتىعى ءۇشىن ايانباي تەر توكتى. ولاردىڭ يگى ءىسى جادىمىزدان وشپەيدى»، - دەپ اتاپ ءوتتى قاراعاندى قالاسىنىڭ اكىمى ەرماعانبەت بولەكپايەۆ.


سالتاناتتى ءىس- شاراعا قاراعاندى قالاسىنىڭ اكىمدىگى، ءدىني باسقارما وكىلدەرى مەن ۇلتتىق ۇلان «ورتالىق» وڭىرلىك قولباسشىلىعىنىڭ اسكەري قىزمەتشىلەرى كەلدى.

«ەلىن قورعاۋ جولىندا ءوز جانىنىڭ اماندىعىن ويلاماي، لاڭكەسكە قارسى توتەپ بەرىپ، ەرجۇرەك ارەكەتىمەن قازا بولعان قارۋلاس باۋىرىمىزدىڭ ەسىمى ماڭگى ۇلىقتالادى. ءوز انتىنا ادال بولعاندارعا ماڭگىلىك تاعزىم!»، - دەپ «ورتالىق» وڭىرلىك قولباسشىلىعىنىڭ تاربيە جانە الەۋمەتتىك قۇقىقتىق جۇمىس جونىندەگى ورىنباسارى، پولكوۆنيك قانات بەلياكوۆ.

ءىس-شارا بارىسىندا ساربازدىڭ اكەسى ورازالى قايسارۇىلى ءسوز الىپ، جاسالىپ جاتقان قولداۋعا ريزاشىلىعىن ءبىلدىردى.

سالتاناتتى ءىس- شارا مەموريال الدىنا گۇل شوقتارىن قويىپ، ساپ تۇزەگەن ساربازداردىڭ مارشىمەن اياقتالدى.


اۆتور: اگاتا مۋحامەدجانوۆا

جاڭالىقتار