قازاقپارات اگەنتتىگىنە «پارلامەنت ءسوزى» ارنايى سىيلىعى بەرىلدى
27 ماۋسىم 20:44

قازاقپارات اگەنتتىگىنە «پارلامەنت ءسوزى» ارنايى سىيلىعى بەرىلدى

نۇر-سۇلتان. قازاقپارات – ق ر پارلامەنتى ماجىلىسىندە جۋرناليستەرگە ارنالعان «پارلامەنت ءسوزى» سىيلىعىنىڭ جەڭىمپازدارى ماراپاتتالدى، دەپ حابارلايدى قازاقپارات ءتىلشىسى.

جەڭىمپازدارعا ارنايى تاپسىرىسپەن جاسالعان شىنى مۇسىندەر مەن ديپلومدار تابىس ەتىلدى.

«ۇزدىك باسپا جاريالانىمى ءۇشىن» نوميناتسياسىندا «ەگەمەن قازاقستان» گازەتىنىڭ ءتىلشىسى اباي وتار مەن «ۆرەميا» گازەتىنىڭ ءتىلشىسى توعجان عاني جەڭىمپاز اتاندى.

«ۇزدىك تەلەۆيزيالىق سيۋجەت ءۇشىن» نوميناتسياسىندا «حابار 24» تەلەارناسىنىڭ ءتىلشىسى نازەركە سۇلتانقۇلوۆا مەن «Astana» ارناسىنىڭ ءتىلشىسى يانا گلادكوۆا ماراپات الدى.

«ۇزدىك بەينە-سۋرەت ماتەريالى ءۇشىن» سىيلىعى «Qazaqstan» تەلەارناسىنىڭ وپەراتورى سوۆەتحان جاعيەۆ پەن «ynformburo.kz» فوتوگرافى گەرارد ستاۆريانيديگە تابىستالدى.

«ۇزدىك ينتەرنەت جانە راديو ماتەريالى ءۇشىن» نوميناتسياسىنىڭ يەگەرى - قازاق راديولارىنىڭ «پارلامەنت ساعاتى» باعدارلاماسىنىڭ اۆتورى الماس بايدراحمانوۆ، «Tengrinews.kz» ينتەرنەت- رەسۋرسىنىڭ ءتىلشىسى مەيىرىم سمايىل، «Baq.kz» اقپارات اگەنتتىگىنىڭ باس رەداكتورى ەرجان جاۋباي.

«ارنايى رەپورتاج» نوميناتسياسىندا ق ر پرەزيدەنتىنىڭ تەلەراديو كەشەنىنىڭ قويۋشى رەجيسسەرى ساۋلە كومەكبايەۆا جانە «ەۋرازيا» ءبىرىنشى ارناسىنىڭ پروديۋسەرى گۇلفاريزا رامازانوۆا جانە «ازاتتىق رۋحى» اگەنتتىگىنىڭ ءتىلشىسى كريستينا گرينكو ۇزدىك دەپ تانىلدى.

سونىمەن بىرگە «پارلامەنتتىك جۋرناليستيكانى دامىتۋعا قوسقان ۇلەسى ءۇشىن» «ايقىن» گازەتىنىڭ باس رەداكتورى امانكەلدى قۇرمەت پەن «ت د ك - 42» ارناسىنىڭ ءتىلشىسى اسەلىم ءابىلدينوۆا ماراپاتتالدى.

«پارلامەنت ءسوزى» ارنايى سىيلىعى «قازاقپارات» حالىقارالىق اقپارات اگەنتتىگى مەن «31 - ارنا» تەلەارناسىنا بەرىلدى.

ەسكە سالا كەتەيىك، «پارلامەنت ءسوزى» سىيلىعى العاش رەت 2017-جىلى بەرىلگەن بولاتىن.


جاڭالىقتار