ون مينۋت جاياۋ ءجۇرۋدىڭ پايداسى
ادام اعزاسى ءۇشىن وسى 10 مينۋتتىڭ ءوزى پايدالى ەكەن. ادامنىڭ فيزيكالىق جانە پسيحولوگيالىق جاي-كۇيىن، دەنساۋلىعىن جاقسارتۋعا جەتىپ جاتىر.
ادامنىڭ سەزىم كۇيى جاقسارادى. تازا اۋادا سەرۋەندەۋ ميعا وتە پايدالى. سودان پسيحيكاعا جاقسى اسەر ەتەدى. كۇنىنە 10-12 مينۋت جاياۋ جۇرگەن ادامنىڭ جادى جاقسارىپ، زەيىنى كۇشەيەدى. سابىرلى كۇيگە ەنەدى، وزىنە دەگەن سەنىمدىلىگى ارتادى.
ميدىڭ ويلاۋى جاقسارادى. تازا اۋادا، تابيعات اياسىندا سەرۋەندەگەن ادامنىڭ كوگنيتيۆتى تەستىدەن جاقسى وتەتىنىن تالاي زەرتتەۋ دالەلدەگەن. سوندىقتان ەمتيحاننىڭ الدىندا تازا اۋادا سەرۋەندەپ ءجۇرۋدىڭ پايداسى زور بولماق. ادامنىڭ جادى جاقسارىپ، كونتسەنتراتسياسى رەتتەلەدى.
ءومىردى ۇزارتادى. ۇلى بريتانيانىڭ كورولدىك كوللەدجى ماماندارىنىڭ زەرتتەۋى دالەلدەگەندەي، كۇنىنە 10 مينۋت جىلدام جاياۋ ءجۇرۋدى ادەتكە اينالدىرعان ادامنىڭ ءومىرى شامامەن 15 پايىزعا ۇزارادى ەكەن.
قان اينالىمى جاقسارادى. مۇنى ەندى ايتپاسا دا تۇسىنىكتى. كۇنى بويى وتىرىپ جۇمىس ىستەيتىن ادام ءۇشىن وتە پايدالى. وتىرۋدان قان اينالىمى ءبىرشاما توقىراپ قالادى. جىلدام جاياۋ ءجۇرۋ ارقىلى قان اينالىمىن قايتا كۇشەيتىپ، جۇرەك اۋرۋلارىنىڭ الدىن الۋعا بولادى.
ارىقتاۋ. جاياۋ جۇرگەندە دە بارىنشا جىلدامىراق ءجۇرۋ كەرەك. ونداي ءجۇرىستىڭ كالوريا جۇمسالىمى جۇگىرۋمەن بىردەي. كۇندە تىم بولماعاندا 10 مينۋت جىلدام جاياۋ ءجۇرۋدى ادەتكە اينالدىرساڭىز، 2-3 ايدا ارىقتاۋىڭىز مۇمكىن.
massaget.kz