18:14, 27 - ماۋسىم 2022 | GMT +6
تايتوبە اۋىلىنداعى زاڭسىز قوقىس پوليگونى جويىلادى - اقمولا اكىمى
بۋراباي. قازاقپارات - سەلينوگراد اۋدانىنىڭ تايتوبە اۋىلىنداعى زاڭسىز توگىلگەن قاتتى تۇرمىستىق قالدىقتار پوليگونى جويىلادى.
ول ءۇشىن وبلىستىق بيۋجەتتەن 100 ميلليون تەڭگە قارجى ءبولىندى، دەپ حابارلايدى قازاقپارات ءتىلشىسى.
«تايتوبە اۋىلىنداعى زاڭسىز توگىلگەن قاتتى تۇرمىستىق قالدىقتار تۋرالى ءبارىمىز بىلەمىز. ءبىز وسى پوليگوندى جويۋ ءۇشىن وبلىستىق بيۋجەتتەن 100 ميليون تەڭگە قاراجات بولدىك. بۇل - ۇلكەن وزەكتى ماسەلە. سوندىقتان ءبىز ونى بيىل مىندەتتى تۇردە شەشەمىز»، - دەدى بۋرابايدا وتكەن ورتالىق كوممۋنيكاتسيالار قىزمەتىنىڭ كوشپەلى باسپا ءسوز ءماسليحاتىندا ايماق باسشىسى ەرمەك مارجىقپايەۆ.
ايتا كەتسەك، بۇدان بۇرىن سەلينوگراد اۋدانى اكىمنىڭ ورىنباسارى تايتوبە اۋىلىنداعى زاڭسىز توگىلگەن قوقىستى جيناماعانى ءۇشىن جازالانعانىن جازعان بولاتىنبىز.