ا ق ش- تا تاعى دا اتىس بولدى

None
None
نۇر-سۇلتان. قازاقپارات – ا ق ش- تىڭ تاكوما قالاسىنداعى ءبي كەشىندە اتىس بولىپ، كەم دەگەندە سەگىز ادام زارداپ شەكتى، دەپ حابارلايدى قازاقپارات ABC News ارناسىنا سىلتەمە جاساپ.

وقيعا جەكسەنبى كۇنى جەرگىلىكتى ۋاقىتپەن ساعات 00:45 تە كوپ ادام جينالعان تاكوما قالاسىنىڭ وڭتۇستىك بولىگىندەگى ونەركاسىپتىك اۋداندا بولعان.

قۇقىق قورعاۋ ورگاندارى اتىس قارۋى قولدانىلعان جانجال اۋەلى كوشەدە باستالعانىن ايتادى.

پوليتسيا دەرەۋ قىلمىس بولعان جەردىڭ اينالاسىنداعى كوشەلەردى جاۋىپ تاستادى.

وق جاراقاتىنان زارداپ شەككەندەر اۋرۋحاناعا جاتقىزىلدى.

پوليتسيانىڭ مالىمەتىنشە، قازا بولعاندار تۋرالى حابارلاما تۇسكەن جوق، كىنالىلەردى ىزدەۋ بويىنشا تەرگەۋ جالعاسۋدا.

ەسكە سالساق، 21- ماۋسىمدا نيۋ-يوركتەگى گارلەم اۋدانىندا بەلگىسىز بىرەۋ ادامدارعا وق اتىپ، 1 ادام قازا تاپتى جانە 8 ءى جاراقات العان ەدى.


سوڭعى جاڭالىقتار