قىتاي قازاقستان ازاماتتارى ءۇشىن ۆيزاسىز رەجيم ۇسىنۋ مۇمكىندىگىن قاراستىرادى
27 ماۋسىم 13:28

قىتاي قازاقستان ازاماتتارى ءۇشىن ۆيزاسىز رەجيم ۇسىنۋ مۇمكىندىگىن قاراستىرادى

نۇر- سۇلتان. قازاقپارات - قازاقستاننىڭ قىتايداعى ەلشىسى شاحرات نۇرىشيەۆ ق ح ر مادەنيەت جانە تۋريزم ءمينيسترى حۋ حەپينمەن كەزدەستى، دەپ حابارلايدى قازاقپارات ورتالىق كوممۋنيكاتسيالار قىزمەتىنىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا تاراپتار مادەني- گۋمانيتارلىق بايلانىستاردى ودان ءارى نىعايتۋ جانە تۋريزم سالاسىنداعى ىنتىماقتاستىقتى دامىتۋ ماسەلەلەرىن تالقىلادى. ش. نۇرىشيەۆ جاقىن ارادا قالپىنا كەلەتىن تۇراقتى اۋە قاتىناستارى جانە ادامي بايلانىستاردىڭ بەلسەندىرىلۋىن ەسكەرىپ، ەكىجاقتى مادەني- گۋمانيتارلىق ديالوگتى جانداندىرۋدىڭ قاجەتتىگىنە نازار اۋداردى. قازاقستاننىڭ ەلشىسى ق ر جانە ق ح ر- دا مادەني ورتالىقتاردى ءوزارا قۇرۋ بۇل باعىتتاعى ەكىجاقتى قاتىناستاردىڭ دامۋىنا مىقتى سەرپىن بەرەتىنىن اتاپ ءوتتى.

سونىمەن قاتار، ش. نۇرىشيەۆ سۇحباتتاسۋشىنى قازاقستاننىڭ تۋريستىك مۇمكىندىكتەرى جانە ق ر ۇكىمەتىنىڭ تۋريستىك سالانى دامىتۋدىڭ 2025 -جىلعا دەيىنگى مەملەكەتتىك باعدارلاماسىن جۇزەگە اسىرۋ بويىنشا شارالارىمەن تانىستىردى. سونداي- اق، ەلشى قازاقستاندىق تاراپتىڭ ق ح ر ازاماتتارى ءۇشىن 14 كۇندىك مەرزىمگە دەيىن ۆيزاسىز رەجيم ەنگىزۋ جونىندەگى جوسپارىن ەسكەرىپ، ق ر ازاماتتارى ءۇشىن دە ۇقساس جاعداي جاساۋ ماسەلەسىن كوتەردى.

ءوز كەزەگىندە، حۋ حەپين قازاقستان مەن قىتاي اراسىنداعى مادەنيەت جانە تۋريزم سالاسىنداعى ىنتىماقتاستىقتىڭ زور كەلەشەگى بار ەكەنىن ەرەكشە اتاپ ءوتتى. ول جىل سوڭىندا جوسپارلانعان قازاقستان- قىتاي ىنتىماقتاستىق جونىندەگى كوميتەتىنىڭ مادەني- گۋمانيتارلىق ىنتىماقتاستىق جونىندەگى كىشى كوميتەتىنىڭ 15- وتىرىسى ەكى ەل اراسىندا مادەني- گۋمانيتارلىق بايلانىستاردى نىعايتۋدا ماڭىزدى ءرول اتقاراتىنىنا سەنىم ءبىلدىردى.

سونىمەن بىرگە، ق ح ر مادەنيەت جانە تۋريزم ءمينيسترى قازاقستان ۇكىمەتىنىڭ ەلدىڭ تۋريستىك الەۋەتىن اشۋ بويىنشا قابىلداپ جاتقان شارالارىن جوعارى باعالادى، سونداي- اق قىتايلىق تاراپتىڭ مادەنيەت ورتالىقتاردى ءوزارا قۇرۋعا دايىن ەكەنىن ءبىلدىردى. كەزدەسۋدىڭ سوڭىندا تاراپتار ش ى ۇ، ا ءو س ش ك جانە «ورتالىق ازيا - قىتاي» مەملەكەت باسشىلارى ونلاين- سامميتىنىڭ قورىتىندىلارى بويىنشا ۋاعدالاستىقتاردى ىسكە اسىرۋ جونىندەگى ءىس- قيمىلدار جوسپارى شەڭبەرىندە مادەنيەت جانە تۋريزم سالاسىندا بىرلەسكەن ءىس- شارالاردى وتكىزۋ ماسەلەلەرىن قوسا العاندا، ق ر- دىڭ ق ح ر- داعى ەلشىلىگى مەن ق ح ر مادەنيەت جانە تۋريزم مينيسترلىگى اراسىندا تىعىز بايلانىستاردى ساقتاۋعا كەلىستى.


جاڭالىقتار