سولتۇستىك قازاقستانعا بيىل وڭتۇستىك وڭىرلەردەن قانشا ادام كوشىپ كەلەدى

None
None
پەتروپاۆل. قازاقپارات - سولتۇستىك قازاقستان وبلىسى «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىنىڭ اياسىندا بيىل 2685 ادامدى قابىلداماق، ولاردىڭ 129-ى - قانداستار، دەپ حابارلايدى قازاقپارات ءتىلشىسى.

س ق و جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە، بىلتىر جۇمىس كۇشى ارتىق وڭىرلەر - تۇركىستان، الماتى، جامبىل، قىزىلوردا، ماڭعىستاۋ وبلىستارىنان جانە نۇر- سۇلتان، الماتى جانە شىمكەنت قالالارىنان وبلىستىڭ 139 ەلدى مەكەنىنە 784 وتباسى، 2943 ادام دەن كوشىپ كەلدى. ولار وبلىستىڭ بارلىق اۋداندارى مەن پەتروپاۆلعا ورنالاستىرىلدى. سونداي- اق قونىس اۋدارۋشىلاردى قابىلداۋ كۆوتاسىنا ەنگىزىلدى. كوشىپ كەلگەن 784 وتباسىنىڭ %74 اۋىلدىق جەرلەردە، قالعانى قالادا تۇرىپ جاتىر.

«2943 ادام قونىس اۋدارسا، سونىڭ ەڭبەككە قابىلەتتى جاستاعىسى 1316 ادام، 720 ادام تۇراقتى جۇمىس ورىندارىنا ورنالاستىرىلدى، ال 215- ءى كاسىپكەرلىكپەن اينالىسىپ جاتىر. 129 ادام الەۋمەتتىك دەمالىستا. بيىل ازاماتتاردى كوشىرۋ «قۋاتتى وڭىرلەر- ەل دامۋىنىڭ درايۆەرى» ۇلتتىق جوباسى اياسىندا جالعاسادى. 2022 -جىلعا 2685 ادامعا كۆوتا بەكىتىلگەن، ونىڭ ىشىندە جۇمىس كۇشى ارتىق وڭىرلەردەن 2556 ادام كەلمەك. ال 129 ازاماتتىڭ قانداس مارتەبەسى بار»، - دەيدى س ق و جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باستىعىنىڭ ورىنباسارى رينات ەلجاسوۆ.

جىل باسىنان وڭىرگە 449 ادام - 114 وتباسى قونىس اۋداردى. ولاردىڭ 170- ءى - ەڭبەككە جارامدى، 94 ادام جۇمىسقا ورنالاسسا، بىرەۋى ءوز ءىسىن باستاعان. ماماننىڭ ايتۋىنشا، بۇگىنگى تاڭدا وبلىستا ەڭبەك نارىعىندا ماماندارعا سۇرانىس جوعارى. ەلەكتروندىق ەڭبەك بيرجاسىندا 2,5 مىڭنان استام بوس جۇمىس ورنى تىركەلگەن.

«بىلتىر وبلىسقا 65 قانداس قونىس اۋداردى. ولار قىتاي حالىق رەسپۋبليكاسىنان، موڭعوليادان، وزبەكستاننان، رەسەي مەن يراننان كەلدى. بيىل 129 ادامدى قابىلدايمىز دەپ وتىرمىز. جىل باسىنان 23 وتباسى - 45 ادام كەلدى. ولاردىڭ 17- ءسى - ەڭبەككە قابىلەتتى. توعىزى جۇمىسقا ورنالاستىرىلدى. وزبەكستاننان 13 وتباسى، رەسەيدەن – 6، قىتايدان - 3 جانە يراننان 1 وتباسى كوشىپ كەلدى»، - دەيدى رينات ەلجاسوۆ.

اۆتور: اقەركە داۋرەنبەك قىزى


سوڭعى جاڭالىقتار