اباي، جەتىسۋ جانە ۇلىتاۋ وبلىستارىندا تىركەلەتىن كولىكتەردى سيفرلىق تاڭبالاۋ ءتارتىبى ايقىندالدى
بۇل تۋرالى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك ءمالىم ەتتى، دەپ حابارلايدى قازاقپارات ءتىلشىسى.
قازاقستاندا كولىك قۇرالىن تىركەۋدە وڭىرلەر بويىنشا سايكەستەندىرۋ ءۇشىن ءتيىستى سيفرلىق تاڭبالاۋ بەلگىلەنگەن. بۇل تۇرعىدا كولىك نومىرلەرىندەگى وڭىرلىك كودتار قازاق ءتىلىنىڭ ءالىپبي تارتىبىمەن بەرىلەدى.
«وسى ورايدا مينيسترلىك جاڭادان قۇرىلعان ءۇش وبلىس بويىنشا اۆتوكولىكتەردىڭ مەملەكەتتىك نومىرلەرىنە ءوڭىر كودتارىن سيفرلىق بەلگىلەۋدىڭ رەتىن ۇسىندى. اتاپ ايتقاندا، اباي وبلىسىنا – 18، جەتىسۋ وبلىسىنا – 19، سونداي- اق ۇلىتاۋ وبلىسىنا 20 تاڭباسى بەلگىلەنبەك»، - دەدى شۇعىلا تۇرلىبەك مينيسترلىكتىڭ باسپا ءسوز الاڭىندا وتكەن بريفينگ بارىسىندا.
اتالعان ءۇش وبلىستا مەملەكەتتىك ءنومىردىڭ جاڭا سيفرلىق تاڭباسىن ەنگىزۋ بارىسىندا كولىك قۇرالدارىنداعى بۇرىنعى مەملەكەتتىك نومىرلەردى اۋىستىرۋ تالاپ ەتىلمەيدى.