تۇركىستاندىق ونەرتاپقىشتار قولدان كولىك قۇراستىردى - فوتو
26 ماۋسىم 09:02

تۇركىستاندىق ونەرتاپقىشتار قولدان كولىك قۇراستىردى - فوتو

تۇركىستان. قازاقپارات - كەلەس اۋدانىنداعى №13 كوللەدج مۇعالىمدەرى مەن وقۋشىلارى قولدان كولىك قۇراستىردى، دەپ حابارلايدى قازاقپارات ءتىلشىسى.

اۆتورلارى بۇل كولىكتى «Avtopicnik» دەپ اتاعان. ول تابيعات اياسىنا دەمالىسقا شىعۋعا وتە قولايلى. شاعىن كولىكپەن جۇك تاسىمالداۋعا دا بولادى. سونداي- اق، كولىكتە ۇلكەن ۇستەل مەن ورىندىقتار، ءتىپتى شاتىر دا بار. ولاردى قاجەت بولعاندا قۇرىپ، ال جۇك سالاتىن كەزدە جيناپ قويۋعا بولادى. «بۇل كولىكتى بىرنەشە ماقساتتا جاسادىق. دەمالىسقا ارنالعان كولىگىمىز ءساتتى شىعىپ، «World skills» چەمپيوناتىندا جۇلدەگە يە بولدىق»، - دەيدى جوبا جەتەكشىسى باحتيار دۋستانوۆ.


«Avtopicnik» كولىگى وڭتۇستىك كورەيالىق Daewoo Damas ميكرواۆتوبۋسىنان جاسالعان. ەرەكشەلىگى - جانارماي وتە از جاعىلادى. سونداي- اق، كۇن ساۋلەسىنەن قۋات الاتىن جارىقتاندىرۋ قۇرىلعىلارىمەن جابدىقتالعان. بۇل قۇرىلعىلارى قاراڭعىدا دا قۋاتتالا بەرەدى. ول ءۇشىن جانىپ تۇرعان شامداردى قۋاتتاعىشقا قاراتىپ قويۋ جەتكىلىكتى. كەلەس اۋدانىنىڭ اكىمى اقمەنتاي ەسبايەۆ كولىكتىڭ مۇمكىندىكتەرىمەن تانىسىپ، جوبانى جۇزەگە اسىرعان شىعارماشىلىق ۇجىمنىڭ ەڭبەگىن جوعارى باعالادى.

ايتا كەتەيىك، وسىعان دەيىن دە اتالعان كوللەدج ۇجىمى جانار- جاعار مايسىز، ەلەكتر قۋاتىمەن قوزعالاتىن كولىك قۇراپ شىققان.


اۆتور: اينۇر اقبايەۆا

جاڭالىقتار