مەملەكەت باسشىسى قايرات كەلىمبەتوۆكە شەتەلدەن ينۆەستيتسيا تارتۋدى تاپسىردى
25 ماۋسىم 12:21

مەملەكەت باسشىسى قايرات كەلىمبەتوۆكە شەتەلدەن ينۆەستيتسيا تارتۋدى تاپسىردى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ احقو باسقارۋشىسى قايرات كەلىمبەتوۆتى قابىلدادى، دەپ حابارلايدى اقوردا.

قاسىم-جومارت توقايەۆ «استانا» حالىقارالىق قارجى ورتالىعىنىڭ 2021 -جىلى اتقارعان جۇمىسىنىڭ ناتيجەلەرىمەن تانىستى. مەملەكەت باسشىسىنا Astana Finance Days حالىقارالىق كونفەرەنتسياسىن وتكىزۋگە دايىندىق بارىسى تۋرالى باياندالدى. وسى جيىن اياسىندا قازىرگى ەكونوميكالىق كۇن ءتارتىبىنىڭ مەيلىنشە ماڭىزدى ماسەلەلەرى، سونىڭ ىشىندە ەۋرازيا كەڭىستىگىنىڭ ەكونوميكالىق بايلانىستىلىعىن قامتاماسىز ەتۋ ىسىندەگى قازاقستاننىڭ جاڭا ءرولى تالقىلانادى.

قاسىم-جومارت توقايەۆ قايرات كەلىمبەتوۆكە ۇكىمەتپەن، ۇلتتىق بانكپەن جانە قارجى نارىعىن رەتتەۋ جانە دامىتۋ اگەنتتىگىمەن تىعىز ىقپالداستىق ورناتا وتىرىپ، شەتەلدەن ەل ەكونوميكاسىنا ينۆەستيتسيا تارتۋ جۇمىستارىن جانداندىرۋدى تاپسىردى.

جاڭالىقتار