قازاقستاندا جالاقىسى جوعارى ماماندىقتار بەلگىلى بولدى
25 ماۋسىم 10:09

قازاقستاندا جالاقىسى جوعارى ماماندىقتار بەلگىلى بولدى

نۇر-سۇلتان. قازاقپارات - 2022 -جىلعى مامىردا ەلەكتروندىق ەڭبەك بيرجاسىندا 82,4 مىڭ بوس جۇمىس ورنى جانە 45,7 مىڭ تۇيىندەمە ورنالاستىرىلدى.

وتكەن ايمەن سالىستىرعاندا بوس ورىندار سانى 9,8 پايىزعا، ال وزەكتى تۇيىندەمەلەر سانى پايىز23,2 عا تومەندەدى دەپ حابارلادى turkystan.kz.

«بوس ورىنداردىڭ باسىم بولىگىن ءبىلىم بەرۋ (6,7 مىڭ بوس ورىن)، اۋىل شارۋاشىلىعى (4,4 مىڭ)، وزگە دە قىزمەتتەر (3,8 مىڭ) جانە دەنساۋلىق ساقتاۋ (2,8 مىڭ) سەكتورلارىنىڭ كاسىپورىندارى ورنالاستىردى. بۇل رەتتە اۋىل شارۋاشىلىعى سالاسىنداعى بوس ورىنداردىڭ ۇشتەن ءبىرى جامبىل وبلىسىنا تيەسىلى»، - دەدى «ەڭبەك رەسۋرستارىن دامىتۋ ورتالىعى» ا ق ستراتەگيا دەپارتامەنتى ديرەكتورىنىڭ ورىنباسارى ۇلپان شەگەنوۆا.

سوڭعى ايدىڭ قورىتىندىسى بويىنشا ەڭبەك نارىعىنداعى سۇرانىس پەن ۇسىنىستىڭ قۇرىلىمى ورتاشا بىلىكتى ماماندارعا جوعارى سۇرانىستى كورسەتتى، ياعني سۇرانىس (50,8 پايىز) ۇسىنىستان (35,5 پايىز) 1,4 ەسە اسىپ ءتۇستى. الايدا، جىل باسىنان بەرى بايقالعان ەڭبەك نارىعىنىڭ قاجەتتىلىكتەرى مەن بىلىكتىلىگى تومەن كادرلاردىڭ بولۋى اراسىنداعى تەڭگەرىمسىزدىك كۇشەيدى - بىلىكتىلىگى تومەن ەڭبەككە ىزدەنۋشىلەر ورنالاستىرىلعان بوس جۇمىس ورىندارىنا (40,2 پايىز) قاراعاندا 1,5 ەسە كوپ (28,4 پايىز) . ايتا كەتۋ كەرەك، جوعارى بىلىكتى ماماندار تاراپىنان ەڭبەك ۇسىنىسى (24,3 پايىز) سۇرانىسقا سايكەس كەلەدى (20,9 پايىز) .

«مامىر ايىندا جۇرگىزۋشىلەر (3,9 مىڭ بوس ورىن) جانە كۇزەتشىلەر (1,9 مىڭ بوس ورىن) ەڭ كوپ سۇرانىسقا يە بولدى. سونىمەن قاتار مەديتسينا قىزمەتكەرلەرىنە، اتاپ ايتقاندا دارىگەرلەرگە (2,5 مىڭ بوس جۇمىس ورنى جانە 857 تۇيىندەمە)، ورتا مەديتسينا قىزمەتكەرلەرىنە (1,9 مىڭ بوس جۇمىس ورنى جانە 774 تۇيىندەمە) جانە سانيتارلارعا (1 مىڭ بوس جۇمىس ورنى جانە 327 تۇيىندەمە) دەگەن ۇلكەن قاجەتتىلىكتى اتاپ ءوتۋ قاجەت»، - دەدى ۇلپان شەگەنوۆا.

وتكەن ايدا بوس جۇمىس ورىندارىنىڭ سانى ءتورت وڭىردە تورتتەن بىرگە ازايدى: تۇركىستان (-26,5 پايىز) ، ماڭعىستاۋ (-24,2 پايىز)، قىزىلوردا (-23,7 پايىز) جانە پاۆلودار (-22,9 پايىز) وبلىستارى.

ەگەر ورنالاستىرىلعان بوس جۇمىس ورىندارىنىڭ سانى بويىنشا وڭىرلەردى باعالايتىن بولساق، جۇمىس بەرۋشىلەردىڭ ەڭ جوعارى بەلسەندىلىگى نۇر- سۇلتان (10,2 پايىز)، الماتى (9,4 پايىز) قالالارىندا جانە قاراعاندى وبلىسىندا (10,5 پايىز) تىركەلگەنىن اتاپ وتۋگە بولادى. قاراستىرىلعان ايماقتاردا ەڭ كوپ سۇرانىسقا يە قىزمەتكەرلەرگە بىلىكتىلىگى تومەن جانە بىلىكتىلىگى ورتاشا ماماندار جاتادى. سونىمەن قاتار ۇلكەن قالالاردا ماماندىقتارعا دەگەن سۇرانىس بىردەي. مىسالى، نۇر- سۇلتان جانە الماتى قالالارىندا اسحانالىق جۇمىسشىلار، كۇزەتشىلەر، ساتۋشى- كونسۋلتانتتار مەن كاسسيرلەر، مەيىربيكەلەر/مەيىرگەرلەر، تاربيەشىلەر مەن ولاردىڭ كومەكشىلەرى جانە اسپازدار ءۇشىن بوس ورىنداردىڭ ەڭ كوپ سانى ورنالاستىرىلعان.

بۇل رەتتە تالدانىپ وتىرعان كەزەڭدە ءىس جۇزىندە بارلىق وڭىرلەردە ىزدەنۋشىلەر اراسىندا بەلسەندىلىك تومەندەدى، ەڭ جوعارى قۇلدىراۋ شىمكەنت قالاسىندا (-39 پايىز)، تۇركىستان وبلىسىندا (-36 پايىز)، باتىس قازاقستان وبلىسىندا (-33,6 پايىز) جانە شىعىس قازاقستان وبلىسىندا (-32,5 پايىز) بولدى. ەڭ بەلسەندى ىزدەنۋشىلەر تۇركىستان (تۇيىندەمەنىڭ جالپى سانىنىڭ 12,6 پايىز) جانە الماتى (11,5 پايىز) وبلىستارىندا بايقالادى.

گەندەرلىك بولىنىستە ەرلەر (49 پايىز) جانە ايەلدەر (51 پايىز) ءىس جۇزىندە ەڭبەك نارىعىندا تەڭ دارەجەدە ۇسىنىلعان.

ايتا كەتۋ كەرەك، مامىر ايىندا دىبىس رەجيسسەرلەرى، جوو پروفەسسورلارى - 2 ميلليون تەڭگە، ديريجەرلەر - 1 ميلليون تەڭگە، ينجەنەر- كونسترۋكتورلار مەن تەحنيكالىق ديرەكتورلار - 840 مىڭ تەڭگە كولەمىندە ەڭ جوعارى جالاقىعا ۇمىتكەر بولدى. سونداي- اق ەڭبەك نارىعىنداعى جالاقىسى جوعارى ماماندىقتارعا مەملەكەتتىك قىزمەتشىلەردىڭ كەيبىر ساناتتارى، جوندەۋ ۋچاسكەلەرىنىڭ شەبەرلەرى، قۇرىلىس ۋچاسكەلەرىنىڭ باستىقتارى، جىلجىمايتىن مۇلىك اگەنتتەرى، ساتىپ الۋ جانە ساتۋ مەنەدجەرلەرى، باس قۇرىلىسشىلار، اكىمشىلىك مەملەكەتتىك قىزمەتكەرلەر، ەكونوميستەر جاتادى. وڭىرلەر بولىنىسىندە ەڭ جوعارى جالاقى نۇر-سۇلتان قالاسىندا ۇسىنىلادى (ورتا ەسەپپەن - 900 مىڭ. تەڭگە)، باتىس قازاقستان (900 مىڭ تەڭگە) جانە ماڭعىستاۋ (800 مىڭ تەڭگە) وبلىستارىندا جۇزەگە اسىرىلادى.

وسىلايشا، وتكەن ايدىڭ قورىتىندىسى بويىنشا جۇمىس بەرۋشىلەر اراسىندا دا، جۇمىس ىزدەۋشىلەر تاراپىنان دا ەكونوميكالىق بەلسەندىلىكتىڭ تومەندەۋى بايقالادى. ءبىراق ەڭبەك نارىعىندا كۇزەتشىلەر، جۇمىسشىلار، جۇرگىزۋشىلەر جانە مەديتسينا قىزمەتكەرلەرى ءالى دە جوعارى سۇرانىسقا يە.

جاڭالىقتار