الماتىدا مەگا ساۋدا ورتالىعى ءبىر كۇنگە جابىلدى
25 ماۋسىم 09:10

الماتىدا مەگا ساۋدا ورتالىعى ءبىر كۇنگە جابىلدى

الماتى. قازاقپارات - الماتىدا بۇگىنگى نوسەر جاۋىننىڭ سالدارىنان Mega ساۋدا ورتالىعىنىڭ توبەسىنەن سۋ كەتتى، دەپ حابارلايدى قازاقپارات ءتىلشىسى.

ساۋدا ورتالىعىنىڭ توبەسىنەن اققان سۋدىڭ ۆيدەوسى الەۋمەتتىك جەلىدە تارادى. وسىعان بايلانىستى ساۋدا ورتالىعىنىڭ باسپا ءسوز قىزمەتى مالىمدەمە جاسادى.

«اۋا رايىنىڭ قولايسىزدىعىنا بايلانىستى بۇگىن MEGA Alma-Ata ساۋدا ورتالىعى جابىلدى. قاۋىپسىزدىك ءىس- شارالارىنا تۇسىنىستىكپەن قاراۋلارىڭىزدى سۇرايمىز. ساۋدا ورتالىعىنىڭ شاتىرىنداعى زاقىمداردى تەز ارادا تۇزەتۋ بويىنشا جۇمىستار جۇرگىزىلۋدە. عيمارات شاتىرىنىڭ اۋدانى 58 500 شارشى مەتردى قۇرايتىنىن ەسكە سالامىز. MEGA Alma-Ata ساۋدا ورتالىعى ەرتەڭ، 25-ماۋسىمدا ادەتتەگى جۇمىس كەستەسىنە سايكەس قايتا اشىلادى»، - دەلىنەدى حابارلامادا.

ەسكە سالايىق، بۇگىن الماتىدا تۇستەن كەيىن كۇن كۇركىرەپ، نوسەر جاۋىن جاۋدى. تولاسسىز جاۋعان جاۋىن سۋى كوشەلەردەگى ارىقتاردى تولتىرىپ، كوشەلەردى سۋ باستى.

سونداي-اق، بۇگىنگى جاۋىن استىندا شاھاردا تروللەيبۋستىڭ ورتەنگەنى تۋرالى حابارلاعان بولاتىنبىز.

جاڭالىقتار