سوت قازاقستاندىق قىزدىڭ ولىمىنە داعىستاننىڭ ەكس ۆيتسە-پرەمەرىنىڭ بالاسىن كىنالى دەپ تاپتى

نۇر-سۇلتان. قازاقپارات - رەسەيدىڭ ماسكەۋ قالاسى يزمايلوۆ اۋدانى سوتىنىڭ القابيلەرى داعىستاننىڭ بۇرىنعى پرەمەر-ءمينيسترىنىڭ بالاسى مۋرتازالي مەدجيدوۆتى قازاقستاندىق ستۋدەنت توميريس بايسافانىڭ ولىمىنە كىنالى دەپ تاپتى.

بۇل تۋرالى توميريس بايسافانىڭ اناسى جانان احمەتوۆانىڭ Instagram پاراقشاسىنان ءمالىم بولدى، دەپ حابارلادى قازاقپارات.

القابيلەر سوتى مۋرتازالي مەدجيدوۆتىڭ ماسكەۋ مەملەكەتتىك حالىقارالىق قاتىناستار ينستيتۋتىنىڭ ستۋدەنتى قازاقستاندىق قىزدى تەرەزەدەن يتەرىپ جىبەرگەنى دالەلدەندى دەپ تاپتى.

وسىعان دەيىن توميريس بايسافانىڭ ىسىنە قاتىستى سوت تەرگەۋى اياقتالعانىن جازدىق.