قازاقستان شىعىس پەن باتىس اراسىنداعى «ارالىق نارىق» رەتىندە پايداسىن تيگىزە الادى – ق ر پرەزيدەنتى
24 ماۋسىم 22:40

قازاقستان شىعىس پەن باتىس اراسىنداعى «ارالىق نارىق» رەتىندە پايداسىن تيگىزە الادى – ق ر پرەزيدەنتى

نۇر-سۇلتان. قازاقپارات - قاسىم-جومارت توقايەۆ ب ر ي ك س+ ۇيىمىنىڭ جاھاندىق دامۋ جونىندەگى جوعارى دەڭگەيلى ديالوگىندا ارجى احۋالىنىڭ ناشارلاۋى قارىزى كوپ مەملەكەتتەرگە، بيزنەس پەن وتباسىلاردىڭ تۇرمىستىق جاعدايىنا اۋىر ءتيىپ قانا قويماي، جاھاندىق جەتكىزۋ جەلىسىنىڭ بۇزىلۋىنا اكەپ سوقتىراتىنىن ايتتى.

سونداي-اق، قر پرەزيدەنتى الەم بويىنشا ينفلياتسيانىڭ قارقىندى ءوسۋى شەشىمىن قاجەت ەتەتىن تاعى ءبىر وزەكتى مىندەت ەكەنىن اتاپ ءوتتى.

- قازاقستان شىعىس پەن باتىس، وڭتۇستىك پەن سولتۇستىك اراسىنداعى «ارالىق نارىق» رەتىندە پايداسىن تيگىزە الادى. ۇزاق مەرزىمدى پەرسپەكتيۆادا بىزگە اشىق، ءادىل، ءوزارا ۇيلەسىمدى ءارى ورنىقتى جاھاندىق ەكونوميكانى ساقتاپ قالۋ كەرەك. بۇل رەتتە، ءوسىم مەن ءوزارا بايلانىستىلىقتىڭ جاڭا داۋىرىنە جول اشاتىن ب ر ي ك س+ جانە «ءبىر - بەلدەۋ، ءبىر - جول»، سونداي-اق ۇلكەن ەۋرازيالىق سەرىكتەستىك باستامالارىنىڭ مول الەۋەتى بار ەكەنىن كورىپ وتىرمىن، - دەدى پرەزيدەنت.

پرەزيدەنت ورنىقتى دامۋ سالاسىنداعى ماقساتتارعا قول جەتكىزۋدىڭ ماڭىزدى ەكەنىنە نازار اۋداردى.

- ب ۇ ۇ باس حاتشىسى انتونيۋ گۋتەرريشتىڭ ءسامميتتى كەلەسى جىلى شاقىرۋ ارقىلى ب ۇ ۇ- نىڭ 2030-جىلعا دەيىنگى كۇن ءتارتىبىن جۇزەگە اسىرۋعا كۇش سالۋ جونىندەگى بەلسەندىلىگىن قۇپتايمىن. ءبىز بارلىعىن، اسىرەسە، ايەلدەردى، جاستار مەن بالالاردى، ەگدە ادامدار مەن مۇمكىندىگى شەكتەۋلى جانداردى ەسكەرۋسىز قالدىرماي، ءوز مىندەتتەمەلەرىمىزدى ناقتىلاۋىمىز قاجەت. ب ر ي ك س+ ەلدەرى سولتۇستىك پەن وڭتۇستىك اراسىنداعى الشاقتىقتى قىسقارتۋعا جانە دامۋداعى تەڭسىزدىكتى جويۋعا ءوز ۇلەسىن قوسا الار ەدى، - دەدى مەملەكەت باسشىسى.

ايتا كەتەيىك، بۇعان دەيىن پرەزيدەنت قاسىم-جومارت توقايەۆ ق ح ر ءتوراعاسى شي جينپيڭنىڭ شاقىرۋىمەن ب ر ي ك س+ ۇيىمىنىڭ جاھاندىق دامۋ جونىندەگى جوعارى دەڭگەيلى ديالوگىنا ونلاين فورماتتا قاتىسقانىن جازعان ەدىك.

جاڭالىقتار