ازىق-تۇلىكتى جەتكىزۋ جەلىسى بۇزىلا بەرسە، الەمدە ميلليونداعان ادامنىڭ ومىرىنە قاۋىپ تونەدى - توقايەۆ
24 ماۋسىم 21:56

ازىق-تۇلىكتى جەتكىزۋ جەلىسى بۇزىلا بەرسە، الەمدە ميلليونداعان ادامنىڭ ومىرىنە قاۋىپ تونەدى - توقايەۆ

نۇر-سۇلتان. قازاقپارات - قاسىم-جومارت توقايەۆ ب ر ي ك س+ ۇيىمىنىڭ جاھاندىق دامۋ جونىندەگى جوعارى دەڭگەيلى ديالوگىنا قاتىسا وتىرىپ، سوڭعى بىرنەشە ايدا الەمدە ازىق-تۇلىك ماسەلەسىنە قاتىستى جاعداي كۇردەلەنىپ كەتكەنىن، ەگەر ازىق-تۇلىك جەتكىزۋ جەلىسىنىڭ بۇزىلۋى جالعاسا بەرسە، ميلليونداعان ادامنىڭ ومىرىنە قاۋىپ تونەتىنىن ايتتى.

قاسىم-جومارت توقايەۆ الەمدىك دامۋ جونىندە ايتا كەلە، قازىر دۇنيەجۇزى بۇرىن-سوڭدى بولماعان گەوساياسي جانە ەكونوميكالىق تۇراقسىزدىقپەن بەتپە-بەت كەلىپ وتىرعانىنا نازار اۋداردى.

«سوڭعى بىرنەشە ايدا الەمدە ازىق-تۇلىك ماسەلەسىنە قاتىستى جاعداي كۇردەلەنىپ كەتتى. ەگەر ازىق-تۇلىك جەتكىزۋ جەلىسىنىڭ بۇزىلۋى جالعاسا بەرسە، ميلليونداعان ادامنىڭ ومىرىنە قاۋىپ تونەدى. بۇگىندە الەمدەگى ەڭ ءىرى ازىق-تۇلىك وندىرۋشىلەردىڭ تورتتەن ءۇشى بريكس ەلدەرى جانە وسى ۇيىمعا مۇشە مەملەكەتتەردىڭ اۋىل شارۋاشىلىعى بويىنشا جالپى ىشكى ءونىمى بۇكىلالەمدىك ءونىمنىڭ جارتىسىنان استامىن قۇرايدى»، - دەدى قازاقستان پرەزيدەنتى.

ايتا كەتەيىك، بۇعان دەيىن پرەزيدەنت قاسىم-جومارت توقايەۆ ق ح ر ءتوراعاسى شي جينپيڭنىڭ شاقىرۋىمەن ب ر ي ك س+ ۇيىمىنىڭ جاھاندىق دامۋ جونىندەگى جوعارى دەڭگەيلى ديالوگىنا ونلاين فورماتتا قاتىسقانىن جازعان ەدىك.

جاڭالىقتار