قازاقستان ش ى ۇ ەلدەرىن جاڭارتىلاتىن ەنەرگيا كوزدەرى اۋكتسيوندارىنا قاتىسۋعا شاقىردى
24 ماۋسىم 20:10

قازاقستان ش ى ۇ ەلدەرىن جاڭارتىلاتىن ەنەرگيا كوزدەرى اۋكتسيوندارىنا قاتىسۋعا شاقىردى

تاشكەنت. قازاقپارات - ەنەرگەتيكا سالاسىنداعى پراكتيكالىق ىنتىماقتاستىقتى نىعايتۋ ماقساتىندا قازاقستان شاڭحاي ىنتىماقتاستىق ۇيىمى (ش ى ۇ) مەملەكەتتەرىنە جاڭارتىلاتىن ەنەرگيا كوزدەرى (ج ە ك) بويىنشا اۋكتسيوندارعا قاتىسۋدى ۇسىندى.

بۇل تۋرالى ش ى ۇ- عا مۇشە مەملەكەتتەردىڭ ەنەرگەتيكا مينيسترلەرىنىڭ كەڭەسىندە ق ر ەنەرگەتيكا ءبىرىنشى ۆيتسە-ءمينيسترى مۇرات جۇرەبەكوۆ مالىمدەدى، دەپ حابارلادى قازاقپارات مەنشىكتى ءتىلشىسى.

«قازاقستان كليماتتىڭ وزگەرۋى جونىندەگى پاريج كەلىسىمى اياسىندا 2030-جىلعا قاراي پارنيكتىك گاز شىعارىندىلارىن %15 قىسقارتۋ بويىنشا مىندەتتەمەلەردى قابىلدادى. قازاقستاننىڭ جاسىل ەكونوميكاعا كوشۋى جونىندەگى بەكىتىلگەن تۇجىرىمداماعا سايكەس، 2030-جىلعا قاراي ج ە ك ۇلەسى ەلەكتر ەنەرگياسىن ءوندىرۋدىڭ جالپى كولەمىنىڭ كەمىندە %15 ىنا جەتۋى ءتيىس، ال 2050-جىلعا قاراي بۇل كورسەتكىش %50 عا جەتۋى كەرەك»، - دەدى مۇرات جۇرەبەكوۆ.

ول ارىپتەستەرىن 2018-جىلدان باستاپ قازاقستاندا قولدانىلاتىن ج ە ك جوبالارىن ىسكە اسىرۋ بويىنشا اشىق حالىقارالىق اۋكتسيوندىق ساۋدا-ساتتىق تەتىگى تۋرالى حاباردار ەتتى.

بۇل جوبالار مەن ينۆەستورلاردى ىرىكتەۋ پروتسەسىن اشىق جانە تۇسىنىكتى ەتۋگە جانە نەعۇرلىم ءتيىمدى تەحنولوگيالار مەن جوبالارعا سۇيەنۋگە مۇمكىندىك بەردى. وسى كەزەڭدە جالپى قۋاتى 1700 م ۆ ت بولاتىن ەلەكتروندىق فورماتتا اۋكتسيوندار ءوتتى.

وسى جىلدار ىشىندە ساۋدا-ساتتىققا الەمنىڭ 12 ەلىنەن 200 گە جۋىق كومپانيا قاتىستى.

«بارلىق مۇددەلى تاراپتار اراسىنداعى پراكتيكالىق ىنتىماقتاستىقتى نىعايتۋ ماقساتىندا ءبىز ش ى ۇ مەملەكەتتەرىنە قازاقستان اۋماعىنداعى جەك اۋكتسيوندارىنا قاتىسۋ مۇمكىندىگىن قاراستىرۋدى ۇسىنامىز»، - دەپ مالىمدەدى قازاقستاندىق دەلەگاتسيا باسشىسى.

ءىس-شاراعا ءۇندىستان، قازاقستان، قىتاي، قىرعىزستان، پاكىستان، رەسەي جانە تاجىكستاننىڭ ەنەرگەتيكا سالاسىنىڭ باسشىلارى قاتىستى.

مينيسترلىك كەڭەستىڭ قورىتىندىسى بويىنشا ش ى ۇ- عا مۇشە مەملەكەتتەردىڭ ەنەرگەتيكا سالاسىنداعى ىنتىماقتاستىق تۇجىرىمداماسىن ءىس جۇزىندە ىسكە اسىرۋ جونىندەگى ءىس-شارالار جوسپارى بەكىتىلدى جانە ش ى ۇ- عا مۇشە مەملەكەتتەردىڭ ج ە ك پايدالانۋ سالاسىنداعى ىنتىماقتاستىق باعدارلاماسىنىڭ جوباسى ماقۇلداندى.

جاڭالىقتار