قاڭتار وقيعاسى كەزىندە جالعان اقپارات تاراتقان قوستانايلىق سوتتالدى
24 ماۋسىم 19:26

قاڭتار وقيعاسى كەزىندە جالعان اقپارات تاراتقان قوستانايلىق سوتتالدى

قوستاناي. قازاقپارات - قوستاناي قالاسىنىڭ 2№ سوتىندا قاڭتار وقيعاسى كەزىندە الەۋمەتتىك جەلى ارقىلى جالعان اقپارات تاراتتى دەپ ايىپتالعان دياس نۇرماعامبەتوۆتىڭ ءىسى قارالدى، دەپ حابارلادى قازاقپارات ءتىلشىسى.

ايىپتاۋ نۇسقاسى بويىنشا، سوتتالۋشى «پروتەستنىي كوستاناي» تەلەگرام ارناسىندا جازبالار جاريالاعان.

قاڭتارداعى ميتينگىلەر كەزىندە ول پوليتسيانىڭ نارازىلىق بىلدىرۋشىلەر جاعىنا ءوتىپ جاتقانى تۋرالى حابارلاما تاراتقان.

بۇل، سوتتىڭ مالىمەتىنشە، قوعامدىق ءتارتىپتى بۇزۋ قاۋپىن تۋدىرعان.

پروكۋرور «كوپشىلىك ءىس-شارالاردى وتكىزۋ كەزىندە» دەگەن سارالاۋ بەلگىسىن الىپ تاستادى، ول نۇرماعامبەتوۆتىڭ ارەكەتىن ق ك- ءنىڭ 274-بابى 2-بولىگى 3-تارماعى بويىنشا تۇپكىلىكتى سارالاۋدى جانە سوتتالۋشىعا 2 جىل مەرزىمگە شارتتى تۇردە باس بوستاندىعىنان ايىرۋ تۇرىندەگى جازا تاعايىنداۋدى سۇرادى.

الايدا، نۇرماعامبەتوۆ سوتتا كىناسىن مويىندامادى.

«جازا تاعايىنداۋ كەزىندە سوت ايىپتالۋشى نۇرماعامبەتوۆتىڭ جاۋاپكەرشىلىگى مەن جازاسىن جەڭىلدەتەتىن ءمان-جايلار رەتىندە سوتتىلىعى مەن اۋىرلاتاتىن ءمان-جايلاردىڭ بولماۋىن ەسكەردى. سوت ق ك- ءنىڭ 44-بابىندا كوزدەلگەن جازانىڭ بۇكىل مەرزىمىنە پروباتسيالىق باقىلاۋ بەلگىلەي وتىرىپ، 1 جىل مەرزىمگە باس بوستاندىعىن شەكتەۋ تۇرىندەگى جازانى جانە مىندەتتەردى بەلگىلەدى»، - دەپ حابارلادى وبلىستىق سوتتان.

سونداي-اق، قاماۋدا ۇستاۋ ۋاقىتى مەن ءۇي قاماقتاعى ۋاقىت جازا مەرزىمىنە كىرەدى.

جاڭالىقتار