سۋعا ءجۇزۋ تۇرلەرىنەن الەم چەمپيوناتىندا وقىس وقيعا بولدى
24 ماۋسىم 13:25

سۋعا ءجۇزۋ تۇرلەرىنەن الەم چەمپيوناتىندا وقىس وقيعا بولدى

بۋداپەشت. قازاقپارات - بۋداپەشتە ءوتىپ جاتقان سۋ سپورتى تۇرلەرىنەن الەم چەمپيوناتى كەزىندە ا ق ش قۇراماسىنىڭ كوركەم ءجۇزۋشىسى باسسەيندە ەسىنەن تانىپ قالدى.

ونى جاتتىقتىرۋشىسى قۇتقاردى، دەپ حابارلايدى قازاقپارات NBC News باسىلىمىنا سىلتەمە جاساپ. ەكى دۇركىن وليمپيادا چەمپيونى، 25 جاستاعى انيتا الۆارەس ەركىن باعدارلاماسىن اياقتاعاننان كەيىن كەنەتتەن ەسىنەن تانىپ، باسسەيننىڭ تۇبىنە كەتتى. بۇعان دەيىن يسپانيا كومانداسىنىڭ قۇرامىندا سينحروندى جۇزۋدەن وليمپيادادا ءتورت رەت جۇلدە العان ا ق ش قۇراماسىنىڭ جاتتىقتىرۋشىسى اندرەا فۋەنتەس سپورتشىنى قۇتقارۋ ءۇشىن سۋعا سەكىردى.


ول الۆارەستى باسسەيننەن الىپ شىقتى. انيتاعا دەرەۋ العاشقى مەديتسينالىق كومەك كورسەتىلدى. فۋەنتەستىڭ ايتۋىنشا، الۆارەستىڭ دەنساۋلىعىنا قاۋىپ ءتونىپ تۇرعان جوق. دارىگەرلەر ونىڭ جۇرەك سوعۋ جيىلىگىن، وتتەگى مەن قانت دەڭگەيىن، قان قىسىمىن جانە باسقا دا ماڭىزدى كورسەتكىشتەرىن تەكسەرگەن. فۋەنتەس يسپانيانىڭ «Marca» گازەتىنە بەرگەن سۇحباتىندا سپورتتىق شارا قۇتقارۋشىلارىنىڭ ەشقايسىسى ارەكەت ەتپەگەندىكتەن، سۋعا سەكىرگەنىن ايتادى. انيتا الۆارەس التى كۇن ىشىندە ءتورت الدىن الا جانە ءۇش فينالدىق بايقاۋدا تاماشا ونەر كورسەتتى. ول جەكە فينالدى جەتىنشى بولىپ اياقتادى.


فوتو: Dean Mouhtaropoulos/Getty Images


اۆتور: زارينا تۋعانبايەۆا


جاڭالىقتار