اليبابا ساۋدا جەلىسىندە قازاقستاننىڭ ۇلتتىق پلاتفورماسى اشىلدى
B2B فورماتىنداعى پلاتفورماسىندا ەڭ ءىرى الەمدىك پلاتفورمادا اشىلعان ۇلتتىق پاۆيلون قازاقستاندىق وندىرۋشىلەرگە ءوز ءونىمىن ينتەرنەت ارقىلى كەدەرگىسىز ساتىپ، جارنمالاۋعا مۇمكىندىك بەرەدى. پاليوننىڭ اشىلۋىنا وراي Zoom-كونفەرەنتسيا فورماتىندا وتكەن جيىنعا ق ر ساۋدا جانە ينتەگراتسيا ۆيتسە- ءمينيسترى قايرات تورەبايەۆ، QazTrade ا ق باس ديرەكتورى ازامات اسقار ۇلى، Alibaba.com ۆيتسە-پرەزيدەنتى ەندريۋ جەنگ قاتىستى. ۆيتسە- مينيستر قايرات تورەبايەۆ بۇگىنگى تاڭدا ەلەكتروندىق كوممەرتسيا قارقىندى دامىپ كەلە جاتقانىن، قازاقستاننىڭ الەمدىك ترەندپەن بىرگە تىنىستاۋعا دايىن ەكەنىن اتاپ ءوتتى. ونىڭ پايىمىنشا Alibaba كومپانياسىمەن اراداعى ىنتىماقتىڭ ارقاسىندا قازاقستاندىق كومپانيالار ءوز ونىمدەرىن سىرتقى نارىقتارعا جىلجىتۋ مۇمكىدىگىن كەڭەيتە الادى. «Alibaba» الاڭىندا ۇلتتىق پاۆيلوننىڭ اشىلۋى شەتەلدىك ساتىپ الۋشىلار تاراپىنان قازاقستان ونىمدەرىنە جوعارى سۇرانىس بار ەكنەن راستادى»، - دەدى ۆيتسە- مينيستر.
ال «QazTrade» ا ق باس ديرەكتورى ازامات اسقار ۇلىنىڭ ايتۋىنشا، وتاندىق كومپانيالاردىڭ ءونىمىن ماركەتپلەيستەر ارقىلى تانىتۋ تيىمدىلىگىن كورسەتىپ وتىر.
ەلەكتروندىق الاڭداردا ساۋدا جاساي باستاعان كومپانيالاردىڭ ساتۋ كورسەتكىشى جاقسارا تۇسكەن.
قازىر Alibaba.com. بازاسىنداعى قازاقستاننىڭ ۇلتتى پاۆيلونىندا 130 قازاقستاندىق كومپانيا «التىن» مارتەبەلى جەتكىزۋشى رەتىندە تىركەلگەن. ولار 7500-دەن استام تاۋاردى عالامدىق پلاتفورما ارقىلى ساتىپ وتىر.
ت م د مەن ەۋرازيالىق ەكونوميكالىق وداق ەلدەرىنىڭ اراسىندا قازاقستان رەسەي فەدەراتسياسىنان كەيىن Alibaba.com الاڭىندا پالھۆيلونىن اشقان ەكىنشى ەل Alibaba - اينالىمى 106 ميلليارد دوللار بولاتىن، «B2B» فورماتى ونلاين تاۋار ساتاتۋن پلاتفورما.
ەسكە سالساق، جىل باسىندا Qaztrade بيزنەستى قولداۋدا ەكسپورتتىق اكسەلەراتسيا مەن ماركەتپلەيستەرگە شىعارۋدى باستايتىنىن حابارلاعان بولاتىن.
اۆتور: ەسىمجان ناقتىباي